Вртена пита од спанаќ и сирење: Вкусна вечера на која секогаш ќе и’ се враќате!

Состојки за тестото:

• 500 г брашно
• 300 мл топла вода
• сол

Состојки за полнење:

• 500 г сирење
• 300 г спанаќ (измиен и исечкан)
• 2 лажици кисела павлака

Дополнително:

• брашно за наросување
• масло
• 5-6 лажици млеко

Приготвување на тестото:

• Ако е возможно, одлично би било да го просеете брашното, бидејќи тогаш тестото станува потенко и полесно се расукува.
• Во брашното додајте 1/3 лажичка сол, а потоа додајте топла вода. Постои разлика кога користите ладна или топла вода. Ако додадете ладна вода, ќе морате подолго да почекате да стаса тестото (околу 1,5 до 2 часа), но тестото полесно ќе се расукува. Ако користите топла вода, тогаш тестото ќе биде спремно за употреба за речиси половина час.
• Месете го тестото неколку минути за добро да се спојат состојките и да престане да се лепи за садот.
• По потреба додајте уште брашно, ако тестото е премногу лепливо.
• Префрлете го тестото на работна површина и формирајте го во топка.
• Оставете го да отстои на чинија премачкана со масло најмалку половина час – внимавајте врвот на тестото исто така да го премачкате со масло за да не се пресуши.
• По половина час, на работната површина постелете крпа или чаршав со кои ќе ја покриете во целост и наросете ја со малку брашно. Исто така, ставете брашно на рацете и тестото.
• Со помош на сукало, расукајте го тестото што е можно потенко. Загрејте малку масло и во мали количини прелејте го врз тестото, а со раце рамномерно распоредете го.
• Вовлекувајте ги рацете под тестото и внимателно извлекувајте ги, со дланките свртени нагоре, така што ќе го допирате тестото само со врвовите на прстите.
• Повторувајте го тоа по целото тесто додека го расукате во секоја насока.

Приготвување на полнежот и печење:

• За филот, додајте измиен и исечкан спанаќ заедно со сирење, кисела павлака и малку сол.
• Филот распоредете го низ тестото и завиткајте го со помош на крпа.
• Сад за печење премачкајте со масло (може да користите и свинска маст или путер) и префрлете ја питата правејќи спирален облик, почнувајќи од средината на садот.
• Печете ја питата во загреана рерна на 200 степени Целзиусови 30 минути.
• Пет минути пред крајот, извадете ја питата и премачкајте ја со млеко (506 лажици) за кората да не стане премногу крцкава.
• Кога питата ќе биде готова, оставете ја да одмори десетина минути, доволно за врелото сирење да се олади.

Не успевате да најдете квасец по продавници? Направете си сами со овие 4 рецепта за домашен квасец за тесто што расте како лудо.