Љубителите на палачинки дефинитивно ќе уживаат во кремавиот и богат вкус на овој солен ролат. Еве како да го приготвите:
Состојки:
За палачинките:
- 2 јајца
- 200 г брашно
- 1/2 лажиче шеќер
- 50 мл млеко
- 250 мл вода
- прстофат сол
- масло
Поврзани објави
За филот:
- 250 г крем-сирење
- 250 г шунка
- 250 г овчо сирење
- 100 мл кечап
- оригано
Приготвување:
- За приготвување на смесата за палачинките – се матат јајцата со млеко и со 250 мл вода, се додаваат брашното, шеќерот и солта, па добро се мати со жица за матење. Ако е смесата премногу густа, се долева уште малку вода за да не бидат дебели палачинките.
- Во тавче се загрева масло, па со лажица се разлева во него од смесата за палачинки (секојпат пред разлевањето смесата се промешува) и се пече од двете страни, додека порумени. На истиот начин се печат шест палачинки.
- На работната масичка се става поголемо парче фолија, па преку неа се распоредуваат палачинките една до друга, така што на краевите ќе се преклопуваат.
- Подлогата од палачинки се премачкува со крем-сирење и се израмнува со шпакла. Се посипуваат изренданата шунка, овчото сирење и ориганото, па се попрскува со малку кечап.
- Ролатот цврсто се мота и се витка во фолијата, па се остава во фрижидер да се стегне. Утредента се сече на парчиња и се послужува.