Најдобрите палачинки на светот по рецепт на познат француски готвач: Меки како памук, а еве во што е трикот!
Најдобриот рецепт за палачинки
Палачинките се еден од омилените десерти на многумина, но ретко кој може да се пофали дека од прва му излегуваат убави и меки
Познатиот француски готвач Пјер Ерме важи за еден од најдобрите слаткари во светот, кој прави најубави палачинки, а трикот е во тоа што прво го загрева млекото, па потоа ги додава сите состојки.
Така подобро се поврзува смесата, а тестото е меко и воздушесто. Палачинките може да ги послужите со слатки или солени додатоци.
Состојки:
- 200 г брашно
- 50 г шеќер
- 500 мл млеко
- 1 стапче ванила
- 5 јајца
- кора од четвртина лимон
- кора од портокал
- 10 мл рум
- 100 г путер
Приготвување:
Поврзани објави
Загрејте го млекото до вриење, па додајте струготини од стапче од ванила и оставете го 30 минути на страна за да се ароматизира млекото. Кога ќе се олади млекото, процедете го. Во меѓувреме, стопете го путерот и оставете го да се олади. Ситно изрендајте кора од лимон и портокал и додајте шеќер.
Во чинија просејте брашно, додајте шеќер и направете вдлабнатина во која ќе ги додадете јајцата што претходно сте ги изматиле со млеко. Мешајте ги течните и сувите состојки со маталка додека добиете хомогена смеса.
Кога ќе добиете хомогена смеса, додајте стопен путер и рум и оставете ја да отстои најмалку четири часа. Загрејте тавче и почнете да ги печете палачинките. Немојте да ги превртувате пред да бидат комплетно испечени на дното.
Послужете ги со џем, крем или стопено чоколадо, сезонско овошје или јаткасти плодови, додека уште се топли.
Коментарите се заклучени.