Празник за непце: Тарт со козјо сирење, пршута и песто-сос
Не посегнувајте по старата тетратка со рецепти – ви претставуваме специјалитет за кој сме сигурни дека ќе стане ваше омилено залаче…
За тартот со козјо сирење, пршута и песто-сос ви е потребно:
За тесто: 230 г брашно, ¼ лажиче сол, 125 г путер, 60 г кисела павлака.
За фил од сирење: 250 г козјо сирење, 80 г пршута, 3 јајца, 180 г кисела павлака, црн пипер.
За песто-сос: ¾ шолји листови свеж босилек, 3 чешниња лук, 100 г пармезан, 20 г пињоли (или 50 г индиски орев), 1-1,5 дл маслиново масло, малку сол.
ПРИГОТВУВАЊЕ:
Тесто: помешајте ги брашното, солта, омекнатиот путер и киселата павлака, па замесете тесто, завиткајте го во најлонска фолија и оставете го 30 минути во ладилник.
Извадете го тестото од ладилникот, ставете го врз хартија за печење и развлечете го до дебелина од 1 см во облик на калапот во кој ќе се пече.
Поврзани објави
Префрлете го во калапот, отстранете ја хартијата и добро втиснете ги рабовите, па вратете го уште 15 минути во ладилник.
Фил од сирење: иситнете го сирењето, додајте ги киселата павлака и јајцата, па соединете ги состојките. Зачинете по вкус.
Песто-сос: измијте го босилекот и сомелете го во блендер со лукчето и со пињолите.
Додајте пармезан, постепено додавајте маслиново масло и матете додека добиете смеса како мајонез.
Финална постапка: извадете го тестото од калапот, избоцкајте го со виљушка и печете го во рерна загреана на 200 степени, десетина минути. Кога ќе зарумени, извадете го од рерната, на дното нанесете малку фил, наредете ленти тенко сечена пршута и прелејте со остатокот од филот.
Печете на истата температура уште триесетина минути.
Текст: Бојана Стојменовиќ