Приготвување: 50 мин., мирување: 40 мин., печење: 45 мин.
Замесете сочна старинска пита од тенки свиленкасти кори, со необичен изглед и уште подобар вкус! Во преливот од јогурт можете да додадете пасиран лук, па со добиената смеса да ја прелеете питата.
Состојки:
За тестото:
- 500 г брашно
- 300 мл вода
- 1/2 лажиче сол
- 50 мл масло +1 лажица
За преливот:
Поврзани објави
- 200 мл јогурт
- 40 г путер
Приготвување:
- Во сад се поврзува половина од брашното со вода, лажица масло и малку сол, па се меша. Постепено се додава преостанатото брашно и се меси со рака додека се добие мазно тесто. Замесеното тесто се остава да одмори дваесетина минути.
- Потоа тестото се премесува, се дели на два еднакви дела и се обликуваат топки. Се оставаат да мируваат дваесетина минути.
- Се зема едно топче и се става на набрашнета работна масичка. Тестото се сука со сукало што потенко и сече на осум правоаголници.
- Се намрсува тркалезен плех со размер од 28 см. Со рака се фаќа секој правоаголник по средината, па се подигнува за да се собере тестото, а потоа се става во плех обликувајќи неправилно купче. Се продолжува истата постапка на обликување на тестото (се употребува и другото топче) додека се пополни плехот.
- Питата се пече во загреана рерна на 200°Ц, додека порумени. Се вади од рерната, па користејќи лажица се прелева со јогурт. Путерот се растопува и со него се попрскува питата.
- Прелеаната пита се враќа во исклучена рерна и се остава да отстои уште десетина минути.
Текст и фото: Добра храна