Посна пита со компири и печурки: Евтин и вкусен оброк!
Никој не може да одолее на ова јадење...
Состојки:
1 пакување кора за пита
500 гр компир
300 гр шампињони или печурки по избор
1 главица кромид
1/2 чаша кисела вода
сол и бибер по вкус
3-4 лажици масло
Поврзани објави
Подготовка:
Загрејте ја рерната на 180 степени. Измијте ги, излупете ги и изрендајте ги компирите. Излупете го и ситно исечкајте го кромидот. Измијте ги и исечкајте ги печурките на најситни парчиња. Загрејте 2 лажици масло на средна температура и пропржете го кромидот додека не се стопи. Додадете ги сечканите печурки и динстајте додека не ја сменат бојата. Потоа додадете ги ренданите компири и убаво измешајте. По минута или две додадете кисела вода, сол и бибер.
Оставете да врие додека не испари речиси целата течност. Потоа тргнете го садот од шпорет и оставете да се излади.
Наполнете ги корите за пита како што обично правите и наредете ги на намрсена тава. Корите премачкајте ги со масло и печете ги во загреана рерна додека питата не порумени.
Коментарите се заклучени.