Ајвар од парчиња пиперки: Поедноставно се приготвува, а вкусот е побогат и неодолив!

Секој ајвар е вкусен, но овој е феноменален. Парчињата пиперка што ќе ги чувствувате в уста ќе ве тераат да јадете уште и уште… Ајварот од парчиња пиперки се приготвува двојно побрзо и поедноставно.

Состојки:

• 15 кг домашни пиперки
• 2 кг домати
• 1,5 дл масло
• 1 дл оцет
• 2 главици лук
• 2-3 врзопа магдонос
• сол
• малку шеќер

Приготвување:

1. Испечете ги пиперките еден ден претходно и оставете ги да се оладат и исцедат. Утредента излупете ги, искинете ги со раце на ленти, пошироки или потесни, по желба.

2. Во поголем лонец, ставете ги пиперките и излупениот и иситнет домат, па варете ги на силен оган додека смесата стане густа како пекмез.

3. Потоа, додајте оцет, масло, сол, шеќер, исечкан лук и магдонос.

4. Мешајте половина час и готовиот ајвар префрлете го во стерилизирани тегли, ставете капаци и завиткајте ги во ќебе додека се оладат комплетно.

5. Потоа, чувајте ги во шпајз или подрум.

НАЈВКУСНИОТ македонски традиционален АЈВАР се подготвува по ОВОЈ РЕЦЕПТ!