Витаминска салата: Ручек што може да го понесете со себе каде и да одите
Подготвени сте за нови вкусови и комбинации?
Оваа салата е полна со витамини, ќе ве освежи и ќе ви даде енергија
Здравиот начин на живот нека стане вашиот приоритет, а оваа витаминска салата ќе ви помогне во тоа. Ви ветуваме дека ќе се вљубите во ваквата исхрана!
Потребни состојки:
- 1 шолја сечкана тиква
- 6-7 листови зелена салата
- ½ шолја исчистена калинка
- 1 лажица сечкани сирови бадеми
- 1 лажичка чија семки
- 1 лажичка сенф
- 1-2 лажички сок од лимон
- 1 лажичка мед
- прстофат сол
Приготвување:
Поврзани објави
Испржете ги коцките тиква на тавче. Доколку е тефлонско, нема да ви треба масло. Ќе бидат брзо готови, ако ги исечете тенко. Друга опција е парчињата да ги испечете во рерна.
Додека се пече тиквата, подгответе го сосот така што ќе измешате сенф, мед, сок од лимон и прстофат сол. Потоа исечкајте зелена салата на ленти, додајте ги изладените коцки тиква и калинката.
На крај, прелијте ја салатата со сос и наросете ја со семки и бадеми. Овој оброк може да си го понесете на работа, факултет, каде и да одите!
Покрај овие состојки, може да додадете и безмасно сирење, парчиња туна, сирови семки од сончоглед или ореви. Добра опција е овој оброк да го спакувате во тегла. Најпрво, ставете го сосот, па озгора остатокот од состојките на салатата, во слоеви. Непосредно пред да ја комбинирате, само превртете ја теглата и сосот убаво ќе се измеша. Уживајте во моментот и во оброкот што сте го приготвиле за десетина минути!