Идеален оброк за топлите денови
Наместо да користите ориз и месо, го приспособивме овој рецепт на тропските денови, па така нема да ви биде премногу тежок за стомакот. Многу лесно се приготвувате, а најдобро е тоа што ќе ве обезбеди со доволна количина витамини, без да внесете многу калории. Во комбинација со двопек, ќе добиете совршен летен оброк.
Состојки:
- 7 пиперки бабури
- 600 г ситно сирење
- 2 домата
- масло
- сол
- јајца
Приготвување:
Измијте ги и издлабете ги пиперките, исчистете ги од семките и оставете ги на страна.
Во сад, соединете ги сирењето и јајцата, па посолете ги и добро промешајте. Полнете ги пиперките со оваа смеса. Доматот исечкајте го на покрупни парчиња и со него затворете ги отворите на пиперките за да не ви истече филот. Наредете ги полнетите пиперки во намрсен огноотпорен сад и печете ги во загреана рерна на 200 степени додека не заруменат.