Пилешки џигерчиња во зеленчук: Велат дека се неверојатно здрави, а сигурно не сте ги пробале на ваков начин!
Превкусен оброк
Задолжително пробајте го рецептот за пилешки џигерчиња во зеленчук – јадењето е многу вкусно, а може да го јадете без грижа на совест
Обично сите ги приготвуваме џигерчињата по старински рецепт: ги динстаме на кромид. Но зошто да не го смените малку рецептот и да го испробате овој? Ќе ве воодушеви!
Состојки:
- 400 г пилешки џигерчиња
- 2 поголеми кромида
- 2 зелени пиперки
- 1 помал модар патлиџан
- 2 компира
- 2 моркова
- малку грашок и боранија
- 1 свеж домат
- сол, бибер, мешан зачин, масло
- 1 лажиче брашно
- црвен пипер
Приготвување:
1. На масло пропржете ги сечканите кромид и пиперка, додајте ги џигерчињата и кога сето тоа малку ќе се издинста, додајте го преостанатиот зеленчук и лавров лист, по желба. Долејте малку вода и динстајте 20 минути.
2. Додајте мешан зачин, лажиче брашно разматено во малку вода, црвен пипер, бибер и динстајте уште малку, па ставете го во рерна на 250 степени околу 15 минути да се потпече. Послужете го јадењето топло.
Коментарите се заклучени.