Овој вкусен колач од гриз со јагоди ќе ве врати во детството. Лесно се прави, а уште полесно ќе уживате во секој залак.
Состојки:
КОРА:
1 л млеко
200 г гриз
100 г шеќер
3 лажици какао
100 г чоколадо
ФИЛ:
2 пудинга од ванила
500 мл млеко
100 г шеќер
250 мл слатка павлака
300 г јагоди
Приготвување:
Помешајте ги гризот, шеќерот и какаото, па кога млекото ќе зоврие, додајте ја смесата. Со постојано мешање, варете го гризот на средна температура. Тргнете го од оган, додајте го чоколадото искршено на коцки и мешајте додека се растопи.
Намокрете со вода тава за печење од 20 x 35 см, потоа прелијте ја смесата од гриз и оставете да се излади. Смесата можете да ја истурите и во калапи за мафини во кои сте ставиле хартиени корпи.
Поврзани објави
Ставете околу 300 мл млеко за фил да се загрее на оган.Пудингот и шеќерот помешајте ги со остатокот од млекото, па кога млекото ќе зоврие, истурете го пудингот и сварете го филот. Оставете го да се излади. Посебно изматете ја слатката павлака.
Изладениот пудинг лесно изматете го со миксер, па додајте ја павлаката и се’ убаво соединете. Сечканите јагоди замешајте ги во филот, па нанесете го врз изладениот гриз и декорирајте по желба.
Текст: Добра храна