Волшебен зимски десерт: Меки мафини со тиква и со зачини што ќе ви го освојат срцето!

Кој може да им одолее на овие волшебни мафини? Вкусните специјалитети на Ангела-Александра Ивановиќ секогаш нè оставаат без зборови – побарајте ги нејзините рецепти на Инстаграм @annies.food.feed.

Состојки:

• 200 г брашно
• 150 г шеќер
• 180 г пире од печена тиква
• 2 јајца
• 60 г кисело млеко
• 85 г стопен путер
• 1 лажиче прашок за печиво
• ½ лажиче сода бикарбона
• ½ лажиче сол
• 1 лажица мешавина од зачини (цимет, ѓумбир, мелено каранфилче и мускатно оревче)
• 1 лажица екстракт од ванила

Состојки за крцкава кора:

• 35 г брашно
• 50 г кафен шеќер
• 1 лажиче цимет
• прстофат сол
• 60 г стопен путер

 

Приготвување:

1. Во длабок сад прво измешајте го брашното со зачините, солта, шеќерот, прашокот за печиво и содата. Потоа додајте ги пирето од тиква, јајцата, киселото млеко, путерот и ванилата. Мешајте добро додека се соединат состојките.

2. Во друг помал сад ставете ги состојките за кората и мешајте за да добиете ронлива, грутчеста смеса.

3. Во тава за 12 мафини наредете хартиени кошнички за печење и наполнете го секој калап еднакво со смесата.

4. Одозгора додајте по 1-2 лажичиња од смесата за кора.

5. Печете во загреана рерна на 175˚Ц околу 25 минути, додека заруменат. Уживајте во овие неодоливи зимски мафини!

Извор: Добра храна

Слаткарски трикови: Научете како се приготвува францускиот деликатес суфле!