Овој рецепт сигурно ќе ве распамети
Состојки:
За сирупот од јагоди:
- 350 г јагоди
- 4 лажици сок од портокал
- 2 лажици шеќер
Преостанати состојки:
- околу 25 парчиња пишкоти
- 200 г сирење маскарпоне
- 4 лажици шеќер во прав
- 200 г павлака
- 150 г јагоди
Приготвување на сирупот:
- Измијте ги, исчистете ги и исечкајте ги јагодите на помали парчиња.
- Прелејте ги со сок од портокал, посипете ги со шеќер и ставете ги да се крчкаат на тивок оган, повремено мешајќи.
- Кога јагодите ќе омекнат за неколку минути, тргнете ги од оган и згмечете ги.
- Почекајте да се оладат малку, исцедете ги со помош на газа или цедалка, префрлете ги во чист сад со капак и ставете ги во фрижидер.
Приготвување на тирамисуто:
- Пригответе сад за печење барем осум сантиметри длабок.
- Мешајте го сирењето маскарпоне со шеќерот во прав и павлаката додека добиете воздушест крем.
- Измијте ги јагодите и тенко исечкајте ги.
- Секоја пишкота потопете ја во оладениот сируп од двете страни, но кратко за да не ви се распаднат.
- Наредете ги така што ќе го покријат дното на садот.
- Премачкајте ги со половина од кремот од маскарпоне, па наредете половина од јагодите.
- Повторете ја целата постапка и завршете со исечкани јагоди.
- Ставете го десертот во фрижидер да отстои најмалку четири часа.