Пригответе убави домашни слатки со кои ќе го изненадите и израдувате своето драго семејство.
Состојки:
- 150 г мелен кекс
- 150 г мелени ореви
- 150 г путер
- 20 г чоколадо + 20 г за натопување на обландата
- 1 белка
- 100 г шеќер во прав
- 70 г костен-пире
- 1 лист обланда
- 50 г шеќер
- масло за премачкување на калапот
- 50 г бело чоколадо
Приготвување:
1 Во чинија се соединуваат мелените ореви, кексот и шеќерот во прав.
2 Се додаваат белката, стопениот путер и 20 г стопено чоколадо, па добро се меша за да се добие воедначена смеса. Се остава во фрижидер да отстои 30 минути.
Поврзани објави
Од костен-пирето се обликуваат помали топчиња.
3 Се подготвува калапот за цедење цитруси, се одвртува, па внатрешноста се намрсува и се посипува со шеќер.
4 Се зема по малку од смесата од кекс и со неа се обложува внатрешноста на калапот. Се става по едно топче од костен и се прекрива со смесата од кекс. Kалапот се отвора и се удира од масата, за да испадне куполата. На истиот начин од преостанатиот материјал се обликуваат уште кошнички.
5 Обландата се сече на помали кругови, чиј пречник мора да одговара на ширината на долниот дел од кошничките.
6 Kруговите од обланда се попрскуваат со растопеното чоколадо, па на секој се поставува по една кошничка.
7 Белото чоколадо се растопува на пареа и со него се декорираат кошничките.
Текст и фото: „Добра храна“