Трик на Џејми Оливер за најдобро печено пиле: Крцкава коричка, а сочно месо! (ВИДЕО)
Тајната е во ова
Послушајте ги советите на славниот готвач и уживајте во фантастичниот вкус на пилешкото месо
Славниот готвач Џејми Оливер редовно споделува кулинарски совети за приготвување разни јадења и ги открива триковите со помош на кои постигнува совршенство на вкусови.
Овој пат, покажал како да приготвите совршено печено пиле.
- Исечете го свежото пиле до коските на три дела, во пределот на батаците, за добро да се испече месото.
- Внимателно вовлечете ги рацете под кожата во пределот на белото месо, па овој простор наполнете го со мешавина од зачини, составена од ситно сечкан свеж магдонос, босилек и оригано, потоа посолете го, зачинете со бибер и додајте малку маслиново масло.
- Под кожичката ставете и неколку парчиња путер кои на месото ќе му дадат сочен вкус, но и ќе го заштитат белото месо од сушење за време на термичката обработка.
- Во внатрешноста на пилето ставете загреан лимон кој ќе му даде свежина и дополнително ќе го подобри вкусот на вашето јадење.
- Пред да го ставите пилето во загреана рерна на 220 степени Целзиусови околу еден час, врзете го со мрежичка за печење месо.
Погледнете го видеото за подетални инструкции и пригответе вкусен ручек…