Најлесната и најсочната пита од јаболка: Без млеко, брашно и маргарин!

Стандардните состојки за тесто, во овој рецепт ги заменуваат јаткастите плодови, малку кокосово масло и овесни снегулки. Вреди да се проба оваа интересна варијација на пита со јаболка!

Состојки:

• околу 1/2 кг јаболка
• 100 г сомелени овесни снегулки
• 75 кг сомелени лешници, бадеми или ореви (може и мешано)
• 120 мл течност од компот (објаснување во продолжение)
• 60 г шеќер (кафеав, кокосов, бел)
• 50 г кокосово масло (може и обично)
• 5 г прашок за печиво
• 1 лажиче цимет
• 1 лажиче мускатно оревче
• 1 лимон

Приготвување:

• Јаболката излупете ги и крупно изрендајте ги. Изренданите јаболка посипете ги со сок од лимон. Сите остатоци од јаболката, вклучувајќи ја и лушпата од јаболка, префрлете ги во помало тенџере, прелејте ги со 1 л вода, додајте малку цимет и мускатно оревче и варете 20 минути.
• Сувите состојки измешајте ги со прашок за печиво, додајте јаткасти плодови и овесни снегулки (сомелени).
• Од компотот од јаболка земете 120 мл и додајте им шеќер и кокосово масло, а потоа додајте ги и сувите состојки во тој дел. Сето тоа добро измешајте го и потоа додајте ги јаболката. Внимателно мешајќи префрлете ја смесата во калап за печење или во плех обложен со хартија за печење.
• Печете околу 15 минути на 180 степени Целзиусови, а потоа намалете ја температурата на 150 и печете уште 15 минути (вкупно половина час).
• Кога питата ќе биде готова, оставете ја да се олади малку пред сечење, а можете, по желба, да додадете одозгора шеќер во прав, топка од сладолед од ванила или шлаг.

Пита од лимон: Освежувачки десерт кој ќе ве освои на прво залче!