Рамнотежа на најубавите вкусови во вашата чинија!
Состојки за кората:
600 г мелен кекс
100 г зобни снегулки
3 лажици жолт шеќер
прстофат сол
5 лажици путер
1 лажиче екстракт од ванила
Состојки за филот:
1/4 шолја вода
2 кесички желатин во прав
350 г крем-сирење
2 дл слатка павлака
200 г шеќер
1 лажица сок од лимон
600 г боровинки
Состојки за преливот:
2 дл слатка павлака
1 лажица шеќер
100 г боровинки
Приготвување:
Убаво измешајте ги кексот, зобните снегулки, жолтиот шеќер и солта, додајте ги путерот и ванилата и сè убаво измешајте.
Премачкајте со путер тркалезен плех за печење и обложете му ги рабовите со хартија за печење. Потоа рамномерно распоредете ја смесата на дното на тавата, но и по рабовите.
Печете околу 12 минути на 175 степени. Кога ќе се излади, извадете ја кората, отстранете ѝ ја хартијата и ставете ја во калап со штипка. Дтавете ја водата во тава и одозгора посипете го желатинот. Оставете го да отстои 10 минути.
Поврзани објави
Потоа варете го на тивок оган, мешајќи додека се раствори желатинот, па тргнете го од оган.
Изматете ги крем-сирењето, павлаката, шеќерот и сокот од лимон, па додајте ги и боровинките.
Повторно изблендирајте за да се иситнат боровинките, иако некои ќе останат цели. Во оваа смеса додајте го топлиот желатин и повторно изматете.
Истурете го кремот врз кората и оставете го во фрижидер цела ноќ. Следниот ден извадете го колачот од калапот, премачкајте го со кремот кој сте го измешале со шеќерот и посипете со боровинки.
Текст: Добра храна
Фото: Shutterstock
Коментарите се заклучени.