Ви се расипал патентот, ви мирисаат обувките или ви чкрипат вратите? 6 трикови со сапун што ќе го решат проблемот!
Сапунот има повеќе намени
Сапунот служи за многу повеќе работи, а не само за миење раце – тоа го докажуваат овие одлични и корисни трикови
Сапунот може да биде корисен за многу повеќе работи од туширање или миење раце. Всушност, може да ви реши некои многу досадни и упорни домаќински проблеми.
Користете го сапунот на овие 6 начина и решете ги проблемите во домот…
Проблеми со патентот
Намачкајте сапун долж патентот и ќе се изненадите колку лесно ќе почне да лизга. Истата постапка можете да ја примените кога ќе ви се расипе патентот на чантата или јакната.
Миризба од обувките
Особено кај луѓето што обилно се потат, миризбата од обувките може да биде многу интензивна. Решението е едноставно: во секој чевел ставете по еден сапун и веќе до утредента би требало да почувствувате значајно подобрување.
Непријатен мирис од облеката
Поврзани објави
Во плакарот во кој ви стои облека што долго не сте ја користеле, ставете сапун и вашата облека ќе замириса свежо и чисто. Менувајте го сапунот еднаш во две до три недели.
Собирање стакло
Кога ќе скршите нешто од стакло, навистина е тешко да се соберат сите парчиња срча. Навлажнете сапун, поминете го подот со него и тој ќе ги собере ситните парчиња стакло наместо вас, а вие нема да ризикувате да си ги исечете рацете.
Убод од комарци
Местото на убодот истријте го со малку влажен сапун и јадежот би требало да престане во рок од неколку секунди.
Чкрипење на врати и прозорци
Нема ништо понапорно од здодевното чкрипење на вратите и прозорците. Но постои решение! Добро намачкајте ги шарките со сув сапун и тоа е сè, сапунот ќе ја заврши работата за вас, вие само уживајте во тишината.