УТРЕ Е БАДНИК: Се верува дека сите што ќе ја изедат оваа билка, ќе имаат многу пари!
Ако го занемарите ОВОЈ обичај, ќе ве следи несреќа
Бадник му претходи на најсреќниот христијански празник – Божиќ
Бадник е проследен со многу обичаи што ги разубавуваат подготовките на човечката душа за раѓањето на Божјиот син. Тоа е последниот и најстрогиот ден од големиот пост.
Еден од најважните обичаи е бадниковото гранче. Тоа се сече со три удари, така што треба да падне кон исток.
Бадниковото гранче е симбол на дрвото, кое, според преданието, го донеле Јосиф и Марија за да заложат оган и да ја загреат пештерата во која бил роден Исус Христос.
Неговото ложење е главниот дел од овој празник, но бадниковото гранче од зори до самрак треба да остане закачено на вратата од домот, а дури потоа треба да биде внесено внатре, со посипување жито. Бадниковото гранче се пали со посебна почит, при што се кажува молитва за здравје, среќа и мир.
На бадниковото утро, домот се чисти, се украсува со слама, на трпезата се става суво и јаткасто овошје, славска свеќа и започнува постот, чија цел е да ја прочисти душата. Потоа, се приготвува посна вечера и се оди во црква.
Домаќинките приготвуваат посна трпеза, но разновидна, која би требало да содржи: грав, риба, баклава, погача, пита… Се верува дека така и новата година ќе биде богата и плодна.
Подовите се посипуваат со слама, исто како во Витлеемската пештера, децата свиркаат за да се множи живината и да се повика благосостојба.
Во овие обичаи лежи пронаоѓањето смисла во празникот на Христовото раѓање. Не е важна само трпезата и јадењето, бидејќи тоа може да се приготви и кој било друг ден. Важно е овој празник да се помине во домот, во кругот на семејството, со радост и љубов.
И додека во домовите се пали свеќа, како симбол на Исусовата светлина што му ја донел на светот, оваа вечер, сокаците и улиците се пусти. Не се оди на гости и не се зема ништо од други луѓе. Се празнува во семејството, а сите обичаи упатуваат на љубов, простување и тежнеење да се прекинат сите несогласувања.
Многу обичаи поврзани со Бадник се пагански, но црквата подоцна им дала христијанско обележје.
Нашите предци задолжително ги почитувале следниве 3 верувања:
- Треба да се јаде афион на Бадник, бидејќи се верува дека ќе им донесе многу пари на оние што ќе го јадат.
- Оние што се скарале со некого во текот на годината, на Бадник си простуваат и се смируваат – тоа е вистинскиот дух на традицијата.
- На Бадниковата вечер, жената го удира сопругот со рака во слабината, а и мажот исто ја удира жената, за да биде куќата весела цела година и за да биде домаќинот здрав.
Коментарите се заклучени.