Епидемија на коронавирус – психолошки потсетник: Ова мора сите да го прочитаат!
Стравот е нормален одбранбен механизам, но внимавајте!
Почитувањето на основните препорачани мерки е сосема доволно за да одбегнете заболување
Каде и да се свртите, кој медиум и да го читате, тешко дека ќе успеете да се изолирате од најжешката тема – коронавирус.
Откако се дозна дека бројот на заразени расте и во нашата држава, луѓето панично почнаа да прават резерви на намирници и да зборуваат за опасностите, а често го слушаме и советот „без паника“. Сепак, едно е да се каже, а сосема друго е да не се паничи во реалноста.
Сосема нормално е да се плашите од епидемија и да направите се’ за да се заштитите од коронавирусот. Она што не треба да го правите е да го потиснувате стравот. Стравот е сосема нормално човечко оружје за одбегнување проблеми. Оставете го да ја исполни својата мисија, а вие водете сметка стравот да ви служи вам, а не вие нему.
Следете ги новите информации за состојбата на епидемијата, тоа е сосема нормално и прифатливо однесување. Информациите ни служат за да можеме да го прилагодиме своето секојдневје и да ги испланираме обврските и активностите, а притоа да се заштитиме себеси и нашите најмили.
Наместо да паничите и да ширите страв, прифатете ја реалната ситуација и запрашајте се што можете да направите и што веќе правите за да се подобри ситуацијата.
- Ако можете да ги набавите, носете заштитна маска.
- Обезбедете си го себеси и на своето семејство тоа што ви треба, но без претерување и манијакално купување резерви за цела година – така само создавате дополнителен стрес, а притоа ги оставате и другите без можноста да се заштитат себеси.
- Одбегнувајте јавни собири, одложете ги патувањата.
- Ако имате можност, одете на село – значително почистиот воздух може многу да помогне.
- Бидете позитивни, немојте да си го замислувате најлошото сценарио – ништо не може да не’ уништи толку колку психата.
- Одбегнувајте контакт со лица што страдаат од респираторни проблеми, држете се на безбедна дистанца.
Почитувањето на основните правила и препораки на надлежните е сосема доволно за да одбегнете заболување. Паниката никогаш не донела ништо добро, но правилното реагирање секогаш помага!
Заштитете се од коронавирус! Дознајте што треба да правите со облеката и обувките кога ќе дојдете дома!