Еве што можете да прочитате во декемвриското издание на „Руски доктор“

Секој човек копнее по љубов, а декември е доба кога оваа потреба е особено нагласена – бидејќи природата се смирува, а човекот бара топлина. Но тука е розовиот кварц – на кој од памтивек му е припишувана способноста за дарување љубов и привлекување романтични односи во животот. Ова е и доба кога поради пониските температури насекаде нѐ демнат опасности од разни настинки, вируси и голем број други здравствени компликации. Едноставно, декември е месец кога мора да бидеме многу внимателни и целосно посветени на нашето здравје.

Затоа, во служба на здравјето, нашите соработници, руски специјалисти, лекари и фитотерпаевти во овој број пред сѐ сериозно внимание ѝ посветуваат на кашлицата, која има многу лица, а зад секое од нив се крие различна болест, но против која можете да се борите и со помош на руски народни рецепти. Покрај тоа, Русите располагаат и со огромен арсенал рецепти за чаеви, тинктури и одвари од лековити тревки и билки што помагаат при голем број здравствени тегоби на штитната жлезда, црниот дроб и простатата, но и на срцето. Еден од нивните совети е уште денеска да почнете да си го чувате срцето.

И не заборавајте секојдневно да се борите против стареењето на организмот. А оној што сака да остане силен, здрав и млад, но и да си го продолжи животот, треба да биде умерен во сѐ.

Вистинскиот пат за продолжување на животот, пред сѐ, е победа над причините за болестите. Бидете победници и неуморни трагачи по долговечноста.

Ваша Сузана Митревска, уредничка на „Руски доктор“

Содржините во декемврискиот број на списанието можете да ги прочитате на следната страница…