Проф. Венера Крлиу: Размислуваме глобално, дејствуваме локално

Во свет што сѐ повеќе се поврзува, бизнис-заедницата и образовните институции ја согледуваат вредноста на градењето глобални знаења, вештини и способности.

Во Американската Гимназија Скопје (АХСС) тоа значи развој на наставни програми и примена на методи и пристапи кои не само што ќе ги почитуваат локалните традиции и вредности туку и ќе ги вградат меѓународните пракси и перспективи.

Во АХСС успешно се гради и се негува глобален поглед на светот, а притоа се задржуваат домашните корени, како начин да се подготват учениците за свет што бара и локално знаење, но и меѓународно разбирање.

Надминување на македонскиот одлив на мозоци и негување на домашните талентирани ученици

Нашата земја веќе долго време се соочува со појавата на одлив на мозоци, бидејќи талентираните ученици си заминуваат во странство, во потрага по подобри услови за образование и раст. За да се промени ова, неопходно е да се создадат глобално едуцирани млади луѓе, кои се посветени на тоа да останат во својата земја и да придонесат за нејзиниот развој.

АХСС има голема улога во овој процес, со тоа што ги подготвува своите ученици со меѓународни знаења и вештини, кои им овозможуваат да бидат глобално успешни – и од дома. Ваквиот пристап не само што го спречува одливот на мозоци туку и ја претвора Македонија во центар за иновации и успех, докажувајќи дека може да се постигне светско влијание и без да се пречекорат границите.

Воведување меѓународни перспективи во наставата

Во АХСС, првиот чекор во обезбедувањето меѓународни знаења значи воведување глобални перспективи во настаните планови и програми. Тоа значи надминување на традиционалните евроцентрични погледи и ставови и вклучување различни култури, истории и филозофии од светот. Преку соочување на учениците со разновидни перспективи и светогледи, гимназијата негува инклузивно разбирање на глобалните заедници.

Примена на современите технологии во процесот на глобално поврзување

Во денешниот дигитален свет, технологијата овозможува неверојатни можности за глобално дејствување. АХСС користи разновидни онлајн-платформи и апликации за да ги поврзе учениците со нивните врсници во светот, како и со експерти од најразлични области на работа и дејност. Без разлика дали се работи за виртуелни програми за размена, заеднички проекти и истражувања или, пак, за интернационални вебинари, технологијата им овозможува на учениците интернационално искуство без да мора да ја напуштат својата домашна средина.

Промовирање јазична разновидност и културна размена

Јазикот е основна одлика на културниот идентитет и глобалната комуникација, а поттикнувањето на младите луѓе да научат нови јазици, посебно јазиците што поретко се учат и познаваат, им помага директно да се вклучат и да дејствуваат во најразлични заедници. Притоа, наставата во АХСС е целосно на англиски јазик, што им овозможува исклучително високо ниво на познавање на носечкиот јазик на глобалната комуникација.

Развој на локално-глобални соработки и иницијативи

Воспоставувањето соработка со домашните и меѓународните институции и организации на учениците им отвора можности за практично знаење и искуство, применувајќи го глобалното знаење на локално ниво. Ваквите соработки може да имаат најразновидни форми, од меѓународни истражувања до проекти за поддршка на локалните заедници, и тие на учениците им овозможуваат да го применат своето знаење во вистинскиот свет.

Развој на вештини за критичко мислење и културен сензибилитет

Една од основните аспекти на меѓународната комуникација е способноста критички да се преиспитаат сопствените културолошки предрасуди и очекувања. АХСС навистина се посветува на градење и зајакнување на ваквите вештини кај учениците преку поттикнување авторефлексија во однос на нивните идентитети и ставови во споредба со другите заедници од светот.

Училиштето се грижи за тоа младите луѓе не само да научат и да се стекнат со знаења туку и да прераснат во вистински граѓани на светот. Притоа, целта не е само да се применат знаењата од другите земји во сопствен, локален контекст, туку да се изгради еден нов, иновативен поглед кон светот како неизбежно поврзан, свет во кој локалните акции се неизоставен дел од глобалните движења.

Ваквиот пристап на АХСС во наставата нема цел само да го збогати знаењето на учениците, туку има и повисока цел – да биде дел од промените во светот и активен учесник во креирањето отворено, толерантно и мирно глобално општество.

Текст и фото: ПР