Познати „инфлуенсерки“ под истрага поради измами со обложување „тешки“ милиони
Во паника се
Откако во полициската акција „Вектор“ во Република Српска беа уапсени девет лица за кои постои сомнение дека преку лажни профили на социјалните измамиле стотици лица, наведувајќи ги да им праќаат пари за обложување на „проверени“ натпревари и „сигурни“ дојави, дел од српската естрада е во голема паника, пишува српски „Телеграф“.
Според сознанијата на порталот, се покажало дека дел од осомничените на многубројни јавни личности им плаќале добра сум на пари за да ги рекламираат преку социјалните мрежи.
На ваков начин добро заработувале старлетите Станија Добројевиќ, Тијана Ајфон, Сандра Африка и Ана Корач, како и пејачите Анабела Атијас, Слободан Радановиќ, Луна Ѓогани, Надежда Биљиќ и многу други.
Адвокатот Бошко Журиќ објаснува дека следен чекор во полициската истрага е сослушување на сите кои учествувале во рекламирањето на измамниците.
Повеќето од јавните личности се правдаат дека не знаеле за што станува збор и дека престанале кога сфатиле дека е измама. Тие се оградуваат и со „оправдувањето“ дека со нивната реклама не им ги земале сосила парите на луѓето, туку дека и тие кои поверувале во лесната заработка сами носат дел од одговорноста.
Секој одговара за своите постапки. Не ме интересира кој е измамен во целата оваа приказна“, вели ријалити-учесничката Ана Корач.
View this post on Instagram
Никогаш веќе нема да ги рекламирам, жал ми е што луѓето биле измамени. Меѓутоа, никој никого не може да натера на нешто, па ни на тоа да се обложува на ваков начин. Колку што сфатив, станува збор за типување, а тоа е дозволено. Секако дека ќе дадам изјава во полиција ако дојде до тоа, зашто не сакам да сум дел од вакви измами“, вели Анабела Атијас.
Поврзани објави
Сандра Африка, исто така, не се плаши дека ќе има некакви последици за неа.
View this post on Instagram
Луѓето ми дадоа пари за реклама, јас ги рекламирав на Инстаграм како и секој друг производ. Не гледав ништо лошо во тоа, дури подоцна сфатив дека е измама“, вели таа.
Биљиќ, пак, вели, дека додека сопругот ѝ се швалерисувал во „Задруга“, таа морала некако да се снаоѓа за својот син.
За таа реклама, која ја ставив неколкупати на Инстаграм, јас бев уредно платена. Имам син кој треба да го издржувам, зашто татко му Тома Паниќ во тој момент се швалерисуваше во Задруга и јас немав голем избор. Морам да се снаоѓам. Не знаев дека станува збор за измама. Имам другар кој има дојави и навистина погодува, така што сè ми изгледаше валидно. Му даваш 100 евра, а тој ти го пополнува тикетот. Тоа постои. Мислев дека станува збор за истото. Пак би ги рекламирала, но прво би им побарала мене да ми дадат дојава, за да проверам дали ќе ме измамат“, вели таа.
View this post on Instagram
Фото: Инстаграм