Пејачката почувствувала забрзана работа на срцето, колабирала и итно била хоспитализирана: Состојбата е сериозна
Препознајте ги симптомите навреме!
Лекарите ѝ откриле згрутчување на крвта во нозете и белите дробови.
Пејачката Тори Кели била хоспитализирана во неделата вечерта. Имено, додека ручала со другарките во ресторан во Лос Анџелес, почувствувала како срцето забрзано ѝ чука, по што се онесвестила.
Веднаш била пренесена во блиската болница каде што биле утврдени индиции дека нејзината состојба е сериозна.
Лекарите ѝ откриле згрутчување на крвта во нозете и во белите дробови, а истражуваат дали има згрутчување и на крвта околу срцето.
Крвните згрутчувања или тромбот може да бидат исклучително опасни по живот. Од крвните патишта се шират низ целото тело и може да ги нападнат срцето, мозокот и другите органи и да доведат до фатални последици.
Кога крвно згрутчување ќе ги затне артериите, мозокот, срцето и белите дробови не добиваат кислород, и како последица на тоа доаѓа до срцев или мозочен удар.
Овие симптоми се знак дека време е да одите на лекар:
- Отекување: Ова може да се случи на истото место каде што се развило згрутчување или на целата нога или рака.
- Промена на бојата: Забележувате дека рацете или нозете имаат црвена или сина боја.
- Болка: Како што се влошува состојбата, така ќе чувствувате повеќе болка. Чувството може да се движи од тапа болка до интензивна.
- Тешко дишете: Ако се случи ова, тоа може да значи дека тромбот се преместил од рацете или нозете до белите дробови. Може да дојде и до силна кашлица или крв при кашлањето.
- Грчеви во долниот дел на нозете: Ова чувство се јавува доколку има згрутчување во ногата.
Кога тромбот се наоѓа во близина на срцето, се појавуваат следниве симптоми:
- Силна болка во рацете и во градите
- Потење
- Проблеми со дишењето
- Проблеми со дишењето и потење се појавуваат кога тромбот ќе се најде во близина на белите дробови, што се нарекува белодробна емболија.
- Силна болка во белите дробови
- Кашлица
- Вртоглавица
За жал, тромбот може да стигне и до мозокот и да предизвика мозочен удар.
Внимавајте на овие симптоми:
- Тешкотии со видот и говорот.
- Општа слабост.
Фото: Twitter
Коментарите се заклучени.