Работа од соништата, а за платата да не правиме муабет: Кралицата Елизабета бара човек што ќе води профили на социјалните мрежи!

Бакингемската палата моментално вработува човек за управување со социјалните мрежи на британската кралица Елизабета Втора, барем така е соопштено на веб-сајт за вработување.

Палатата е во потрага по иновативни и креативни кандидати со претходно искуство во управување на социјални мрежи, а кои имаат добри вештини за пишување и фотографирање.

Личноста која ќе и’ го одржува добриот имиџ на британската кралица пред очите на јавноста ќе има задача да истражува, да пишува вести и да управува со дигиталните платформи, а платата ќе изнесува околу 30.000 фунти во зависност од искуството.

Работата нуди и бројни предности: 33 дена годишен одмор, како и бесплатен ручек, со седиште во Бакингемската палата. Покрај неодамна лансираниот инстаграм-профил за Меган Маркл и принц Хари, се’ поголема популарност добива и принц Вилијам, додека Кејт Мидлтон ќе добие свој кралски профил.

„Независно од тоа што го покривате, треба да се погрижите нашите дигитални канали доследно да го поттикнуваат интересот на луѓето и да допираат до пошироката публика“, пишува во описот на барањата.