Парис Хилтон остана без чивавата со која помина 23 години: „Ми беше повеќе од милениче, ми беше пријателка“

Парис Хилтон го загуби своето куче, чивавата со која помина 23 години, што е подолго од половина од животот на познатата наследничка. Таа на социјалните мрежи се прости од својот миленик, кој за неа бил многу повеќе.

Денес срцето ми се кине додека се збогувам со мојата бесценета чивава. Неверојатни 23 години ми го исполнуваше животот со толку многу љубов, посветеност и незаборавни моменти. Живееше долг, убав и иконски живот, опкружена со љубов до својот последен мирен сон. Зборовите не можат да ја опишат огромната болка што ја чувствувам сега, напиша Парис Хилтон на Инстаграм вчера, објавувајќи слики на кои е со своето куче, кое се викаше Харајуку Бич и додаде:

 

View this post on Instagram

 

A post shared by Paris Hilton (@parishilton)

Таа беше повеќе од домашно милениче. Таа беше моето семејство, лојална пријателка која секогаш беше тука за мене низ сите подеми и падови што ми ги донесе животот. Од сјајот и гламурот до тивките моменти зад сцената, таа секогаш беше тука, мало топче љубов, кое ми ги разубавуваше најтемните денови. Споделивме толку многу спомени, смеа и солзи. Засекогаш ќе бидеш моето мало ангелче, засекогаш сакано. Физички ќе те нема, но отпечатоците од твоите шепи врз мојот живот никогаш нема да избледат. Почивај во мир, драга пријателке, знаејќи дека секогаш ќе бидеш ценета и секогаш ќе ми недостигаш.

Фото: Инстаграм