KОРОНАВИРУСОТ сепак „избира“? ЗОШТО МАЖИТЕ СЕ ПОЗАГРОЗЕНИ ОД ЖЕНИТЕ?
Kого најмногу „напаѓа“, зошто е некој побезбеден, а некој позагрозен?
Kого најмногу „напаѓа“, зошто е некој побезбеден, а некој позагрозен?
Според најновите информации, со коронавирус заразени се повеќе 145 илјади луѓе, 5.500 починаа, а 73 илјади се излечија. Најмногу жртви има во Кина, каде што почна оваа заразна болест, а моментално најаларматна ситуација е во Италија каде што има повеќе 17 илјади заразени и преку 1.000 смртни случаи.
Кој е најзагрозен, а кого овие вируси го „заобиколуваат“, е тема на која доста се полемизира. Факт е дека мажите, жените и децата еднакво често се инфицираат со вирусот. Разликата е во последиците.
Според прогнозите на Кристијан Дорстен, главен вирусолог од берлинската клиника Charité, епидемијата нема да ја снема со доаѓањето на потоплото време. Неговата проценка е дека доколку државите не преземат драстични мерки, една третина од светската популација ќе се зарази со корона, ама верува дека во најголем број случаевите ќе бидат со благи инфекции.
Најзагрозени и понатаму ќе бидат постарите луѓе, особено оние со хронични заболувања, и старосни години од 65 години па нагоре.
Според анализата која Светската здравствена организација (SZO) ја спроведе во Кина, најзагрозени се старите луѓе со болести на срцето, крвните садови и вени, дијабетичарите, оние со зголемен крвен притисок, хронично заболените со дишните патишта и луѓе со малигнитет.
Зошто е тоа така? Едноставно, жените имаат посилен имунитет и тоа благодарејќи на естрогенот. Овој женски хормон го потикнува работењето на имунолошкиот систем и силно делува против инфекции. Од друга страна машкиот хормон тестостерон го блокира имунолошкиот систем.
Поврзани објави
Освен тоа, и генетиката игра улога. Германски молекуларен биолог вели дека гените кои се релевантни за имунолошката состојба на организмите, кои се одговорни за откривање на болестите кодирани се на Х-хромозомот. Бидејќи жените имаат два х-хромозоми, а мажите само еден, јасно е на чија страна е предноста.
Ништо помалку важни не се и начинот на живот измеѓу мажите и жените. Не е тајна дека мажите живеат понездраво од своите поубави половини. Помалку грижа водат за хигиената, а и поголемиот број на пушачи во светот се мажите, а белите дробови на пушачите се поосетливи на вируси.
А зошто децата поретко се инфицираат?
Иако на почетокот се мислеше дека децата не може да се заразат со корона вирус, праксата покажа дека може. И тие се носители на вирусот ама кај нив нема големи компликации. Зошто е тоа така? Научно објаснување се уште не постои. Докторите сметаат дека кај децата делува таканаречен вграден „неспецифичен состав“.
Заштита од првите вируси се добива уште во фаза на фетусот, а се продолжува со раѓањето и доењето со мајчиното млеко. Оваа „пасивна имунизација“ е вообичаено доволна за период додека детето не развие имунитет во полна мера, што се случува најчесто до 10 година од животот.
ФОТО: GETTY IMAGES