Автоимуни болести: Зошто се појавуваат и што можете да направите за да ги спречите?

Автоимуните нарушувања се сè почеста состојба во современото општество. Се претпоставува дека околу 10 проценти од луѓето имаат една или повеќе автоимуни болести во Европа. Ревматоиден артритис, псоријаза, системска склероза, лупус еритематозус и дијабетес тип 1 се едни од најчестите автоимуни болести кои се фактор на ризик за развој на други здравствени проблеми. Најновото истражување тврди дека автоимуните нарушувања ја зголемуваат можноста за кардиоваскуларни заболувања.

Автоимуни нарушувања, од што зависи ризикот?

Досега, истражувањата тесно ги поврзуваа автоимуните болести со срцевите заболувања, но сега се појави првата голема студија која го потврдува ова правило. На овогодинешниот конгрес на Европското здружение за кардиологија, меѓународен истражувачки тим ги претстави резултатите од деталното епидемиолошко истражување за можните врски помеѓу 19-те најчести автоимуни нарушувања и кардиоваскуларни заболувања.

Резултатите покажуваат дека пациентите со автоимуни болести имаат 1,4 до 3,6 отсто поголем ризик од развој на срцеви проблеми. Ризикот зависи од типот на автоимуната болест и може да се спореди со дијабетес тип 2 како фактор за развој на кардиоваскуларни заболувања. Ова истражување за прв пат покажа дека кардиоваскуларните ризици влијаат на автоимуните болести, како група на нарушувања, подвлекуваат авторите.

Пациенти помлади од 55 години

Во истражувачкиот труд, кој ќе биде објавен во списанието “The Lancet“, авторите нагласуваат дека во групата од 19 автоимуни болести, постои поголем ризик од кардиоваскуларни нарушувања во 6 проценти од случаите. Овој фактор на ризик не се објаснува со традиционалните кардиоваскуларни фактори на ризик како што се возраста, полот, социо-економскиот статус, крвниот притисок, индексот на телесна маса, пушењето, холестеролот и дијабетес тип 2. Забележано е дека ризикот од кардиоваскуларни нарушувања е поголем кај пациентите помлади од 55 години.

Студијата беше заснована на електронската здравствена евиденција на Британската Clinical Practice Research Datalink. Врз основа на податоците на 22 милиони пациенти, беа избрани луѓе на кои неодамна им беше дијагностицирано едно од автоимуните нарушувања. Ризикот од развој на кардиоваскуларни заболувања кај пациенти со едно или повеќе автоимуни нарушувања бил во просек 1,56 пати поголем, во споредба со луѓето кои немале автоимуни болести. Се смета дека луѓето со системска склероза, Адисонова болест, лупус и дијабетес тип 1 се изложени на најголем ризик.

Развој на превентивни мерки

Резултатите покажуваат дека е потребна акција, вели Натали Конрад, водечки автор на студијата.

„Гледаме дека вишокот ризик е споредлив со кардиоваскуларните заболувања кај дијабетес тип 2. Во моментов има конкретни мерки насочени кон пациентите со дијабетес тип 2 за намалување на ризикот од развој на кардиоваскуларни болести, но нема слични мерки за луѓето кои страдаат од автоимуни нарушувања“, вели главната авторка на студијата Натали Конрад.

Насоките на Европското здружение за кардиологија за превенција од кардиоваскуларни болести сè уште не ги потенцираат автоимуните болести како фактор на ризик за кардиоваскуларни заболувања. Конрад се надева дека оваа студија ќе ја зголеми свеста за автоимуните нарушувања за да може да се развијат превентивни мерки во иднина.

„Општата хипотеза е дека хроничното системско воспаление, кое е заеднички именител на автоимуните нарушувања, може да предизвика секакви кардиоваскуларни заболувања, да влијае на сврзните ткива, малите крвни садови, па дури и третманите кои се применуваат за лекување на автоимуни состојби“, вели Конрад.

Кардиологот Џон Мекмуреј од Универзитетот во Глазгов во Велика Британија наведува дека студијата сугерира постоење на многу поширок спектар на автоимуни нарушувања, кои можат да се поврзат со различни кардиоваскуларни заболувања.

„Некои од овие проблеми би можеле да се спречат со користење на лесно достапни лекови како што се статините“, додава Мекмари.