5 правила за долната облека заради вагиналното здравје што треба да ги следат сите жени

Овие, непишани и недоволно споменати, правила за долна облека многу влијаат на здравјето на вашата вагина. Носењето несоодветна долна облека може да предизвика разни непријатности, па дури и да доведе до алергии, воспаленија и инфекции. Доколку и самите не сте сигурни дали правите сè што ви треба за да обезбедите удобност и најдобар можен „дом“ на вашите интимни делови, подолу ќе најдете неколку совети за подобра хигиена и живот без проблеми, инфекции и болести.

Носете гаќички изработени од природни материјали

Вулвата е една од почувствителните области на женското тело, па затоа е исклучително важно да обрнете внимание на материјалот со кој ја покривате. Бидејќи е сосема природно вагината да лачи исцедок, проверете дали гаќите што ги купувате можат да го апсорбираат. Синтетичките материјали, како што се полиестер и најлон, ќе акумулираат исцедок и нема да дозволат вулвата да дише. Ова создава соодветна почва за раст на бактерии и габи, што доведува до разни болести и инфекции.

Променете ги гаќите барем еднаш на ден

Експертите генерално се согласуваат дека гаќите треба да се менуваат барем еднаш на ден. Ако понекогаш се потите прекумерно, ако патувате или имате потежок исцедок, можете да ги смените гаќите неколку пати. Исто така, ако се случи да немате исцедок и да не ви се валкани гаќичките, не е проблем ако ги промените за два дена.

Соблечете ги (понекогаш) навечер

Не секој се чувствува удобно без гаќи навечер, но експертите препорачуваат отстранување на гаќичките навечер и дозволување на вулвата да дише, особено ако луѓето се склони на инфекции, пецкање, чешање и други нарушувања. Но, спиењето без гаќички не е резервирано само за деновите кога имате проблем. Обидете се да бидете ослободени од гаќички една вечер, можеби ќе ви се допадне чувството на таква слобода, и сигурно ќе биде добро за вашето здравје.

Бидете внимателни како ги миете

Долна облека е поделикатна од остатокот од вашата гардероба, па затоа гаќичките треба да се мијат со поголема грижа. Бидете внимателни со каква облека ги миете, измијте ги на доволно висока температура и (по можност) со хипоалергичен детергент. Исто така, би било идеално да ги исушите гаќите во машина за сушење и да ги пеглате.

Променете ја вашата колекција еднаш годишно

Кога станува збор за промена на целата колекција на долна облека, експертите велат дека по шест месеци до една година е потребно да се фрли стара долна облека и да се купи нова. Без оглед на тоа што редовно ги миете алиштата, едни гаќички содржат десетина грама секрети од телото и измет и бактерии од водата во која се мијат гаќите. Поради сето ова, гаќите треба правилно да се мијат и редовно да се менуваат.

Прочитајте и: Сувост на вагината – откријте зошто се појавува и како се лекува

ФОТО: Getty Images