Неверојатна моќ: Што ќе се случи ако секојдневно јадете бадеми
Од нив се прави есенцијално масло, се користат како додаток во оброците, а најчесто како вкусна закуска.
Бадемот содржи: витамини А, Ц, Д, Е, К, тиамин Б1, рибофлавин Б2, ниацин Б3, витамин Б5, витамин Б6, фолат Б9, холин. Минерали – калциум, бакар, железо, магнезиум, манган, фосфор, калиум, селен, натриум, цинк.
Штити од срцев удар и го намалува холестеролот
Научниците велат дека ако би замениле некои од нездравите, заситени масти од месо и млеко со бадеми, речиси и да немате причина да се грижите за срцевите заболувања. Ова се должи на мононезаситените масни киселини, минерали и витамин Е, кој исто така се припишува на неговата способност за намалување на холестеролот. Бадемите имаат и пробиотички својства, со што придонесуваат за здравјето на дигестивниот систем.
Бадемот го контролира шеќерот во крвта и го зачувува нервниот систем
Истражувањата покажаа дека бадемите имаат корисен ефект врз шеќерот во крвта. Доволно е да јадете 100 грама бадеми секој ден и вашето ниво на шеќер ќе биде задоволително. Покрај тоа, бакарот и манганот ги зачувуваат нервните и ендокрините системи, ја одржуваат јачината и здравјето на коските, нормалниот крвен притисок и постигнуваат оптимална функција на тироидната жлезда.
Прочитајте и: Дневна доза терапија: Намирници кои го спречуваат стареењето
За бремени жени и нетолерантни на лактоза
30 грама бадеми и половина чаша млеко се смета дека содржат иста количина калциум, па затоа се препорачува за оние кои не сакаат млечни производи или се нетолерантни на лактоза. Бидејќи содржат голема количина фолна киселина, исто така се добри за бремени жени.
Поврзани објави
Бадемово масло против стареење
Производите од бадеми придонесуваат за здравјето на кожата. Тие ја одржуваат нејзината влажност, ја ублажуваат иритацијата, спречуваат знаци на стареење, темни кругови и стрии. Доволно е да се нанесува есенцијалното масло од бадем на лицето или телото секоја вечер пред спиење и ефектот ќе биде видлив по првата недела на употреба. Ако додадете лажица шеќер, ќе добиете прекрасен пилинг за отстранување на нечистотиите.
Бадем за здрави нокти и коса
Маслото од бадем содржи магнезиум и цинк и има корисен ефект врз јачината на ноктите. Најдобар ефект се постигнува по нежно триење на маслото на ноктите и кутикулите и оставете го да отстои неколку часа. Бадемот во исто време го стимулира растот на косата, му дава сјај и го спречува кршењето.
Бадемово млеко
Ставете 200 грама бадеми во малку вода и оставете да отстојат помеѓу 8 и 12 часа. Следниот ден, измелете ги во блендер со литар вода и екстракт од ванила. Изцедете го добиеното млеко преку густа газа и ставете го во шишиња. Чувајте го во фрижидер до седум дена, и ако вкусот не е доволно добар, можете да го засладите со кафеав шеќер.
Колач од јаболка, бадеми и просо: Необично, здраво, вкусно!
ФОТО: Pixabay