Секогаш кога ќе се случи да имате напад на мигрена, чувството е страшно, а кога ќе ви се случи на работа, ја отежнува ситуацијата.
Лекарите споделија неколку совети со кои можете да се обидете да си помогнете да преживеете таков ден и да спречите ескалација на болката.
Кога ќе почувствувате дека ќе добиете мигрена, реагирајте веднаш, бидејќи колку порано одговорите, толку побрзо ќе престане. Земете аналгетик што е можно поскоро, а потоа прошетајте неколку минути или одморите малку, пред лекот да стапи на сила.
Направете обид да ја прилагодите околината за да се опоравите што е можно поскоро. Ако е можно, затемнете ги светлата, како во просторијата така и на екранот на компјутерот, исклучете го тонот на мобилниот телефон и затворете ја вратата за канцеларија, за да ја намалите иритацијата однадвор.
Сè додека имате мигрена, вашата концентрација и продуктивноста веројатно ќе бидат значително намалени. Идентификувајте ги најважните дневни задачи и обидете се да договорите некој друг да ги направи или да го одложите рокот за друг ден. Заштедете енергија за работите што дефинитивно треба да ги направите.
Дехидрираноста може да предизвика или засили мигрена, затоа проверете дали секогаш имате шише вода при рака.
Поврзани објави
Ако неодамна сте прескокнале оброк, имајте на ум дека гладот може да активира мигрена, а храната може да ја ублажи болката. Дури и ако гладот не е неподнослив, малите, лесно сварливи оброци или закуски во текот на денот ќе го задржат вашето ниво на енергија и ќе ве спасат од слабост.
Откако мигрената ќе помине, дајте си доволно време да се опоравите. Продолжена исцрпеност, слабост и главоболки е потребно време целосно да помине. Постепено вратете се на работа.
На крај, имајте на ум дека превенцијата е најсилниот и најефикасниот начин за елиминација на мигрена.
Прочитајте и: 3 рани знаци на деменција кои можат да бидат откриени уште во 20-тите години
ФОТО: Getty Images