Досегашната борба со оваа хронична болест преку лекови и пумпици, олеснете ја со вежбање на јога. Одлична физичка активност која може да ви помогне и со здравствените проблеми. Најпозитивната страна на оваа дисциплина е смирувањето на нервозата, која е еден од најчестите фактори кои предизвикуваат влошување на симптомите на астмата.
Покрај тоа што опушта, јогата позитивно делува и на телото бидејќи нѐ учи како правилно да дишиме и да го успориме дишењето. Со тоа помага во јакнењето на мускилите на целото тело. За асматичарите најважно е зајакнувањето на мускулите за дишење, мускулатурата која го подобрува процесот на дишење.
Позицијата на стапче го олеснува дишењето при астма
Седите така што со грбот се потпирате на ѕидот. Нозете испружете ги пред телото. Дланките спуштете ги покрај телото, а стапалата затегнете ги така што врвовите на прстите ги повлекувате кон градите. Вдишете па при издишување полека спуштете ја брадата кон градниот кош. Оваа позиција задржете ја за време на пет вдишувања и издишувања.
Мост позицијата е одлична за отворање на градниот кош
Лежете на грб, свиткајте ги колената така што стапалата ви бидат точно испод нив. Дланките испружете ги покрај телото. Со вдишувањето полека подигнувајте го задникот од подот. Добро насочете ги рамената кон подот. Отворете го градниот кош, а брадата оддалечете ја од градните коски. Останете во оваа позиција барем 30 секунди, а потоа спуштете се на подот.
Со истегнување се опуштате
Лежете на подлога, а под главата и грбот ставете перница така што горниот дел од телото ви е минимално возвишено. Прво што треба да направите е да ги испружите рацете преку главата и добро да се истегнете. Потоа вратете ги рацете покрај телото така што се малку пошироко поставени од ширината на колковите и дланките свртете ги нагоре. Пуштете ги стапалата да падна на страна. Затворете ги очите и опуштете ја вилицата. Неколку пати вдишете низ носот и издишете низ устата.
Прочитајте и: Што да вежбам? Пронајдете ја вашата идеална фитнес-рутина!
Поврзани објави
Истегнувањето на предната страна релаксира
Од лежечка положба кренето го телото ослонувајќи се на дланките и стапалата. Во таа положба дланките ви се свртени навнатре, а кога се кревате истегнете го вратот погледнувајќи зад вас. Останете во таа положба за време на пет вдишувања и издишувања, а потоа внимателно спуштете се на подлогата.
Седење со прекрстени нозе за изедначено дишење
Седете така што ќе ги споите табаните. Опфатете ги стапалата со рацете и привлечете го челото кон нив. Нежно замавнете со нозете за градниот кош малку да се опушти. Дишете, изедначено и мирно, низ носот.
Положбата на риба го елиминира стресот
Од положба на лежење, потпрете се на лактовите, дланките повлечете ги под карлицата. Со вдишување отворете го градниот кош, а со издишувањето главата нежно повлечете ја назад. Во оваа положба можете да вдишите низ нос неколку пати, па издишете низ устата, елиминирајќи го сиот стрес.
Знаете ли што е тек-нек?
ФОТО: Getty Images