Што да вежбам? Пронајдете ја вашата идеална фитнес-рутина!

Доколку сè уште не почнавте да вежбате, и не сте сигурни кои вежби се идеални за вас, ви ги претставуваме петте најефикасни тренинзи за фит-става!

1 Фитнес-забава: ЗУМБА

ЗУМБА е единствена фитнес-програма за вежбање, која е инспирирана од латино-музика и која е во исто време забавна за вежбање. Таа е најзабавното вежбање што постои во светот. Вклучува аеробни вежби, комбинирани во латино и со комерцијалната музика. Целта е едноставна: да се сака вежбањето и да се постигнат ефекти, во исто време забавувајќи се со значително зголемено смеење. Инаку, зумбата потекнува од Колумбија, а ја креирал Алберто (Бето) Перез (познат колумбиски аеробик-инструктор и кореограф) во 2001 година. Потоа заминал во САД, ја брендирал зумбата и сега можат да ја користат (како инструктори) само оние што имаат важечки сертификат од „Zumba Fitness – LLC“.

2 За здраво тело: АЕРОБИК

Аеробната гимнастика го зголемува пулсот, го засилува крвотокот и целосно го тонизира телото.
По секој тренинг ќе се чувствувате постегнати, пораздвижени и поубави. Благодарение на аеробикот, човек може лесно да го контролира нивото на крвниот шеќер. Со забрзување на метаболизмот се регулира и телесната тежина, и се повишува добриот холестерол. Освен сите овие нешта, аеробикот ја подобрува и психичката состојба, бидејќи поттикнува лачење на хормонот серотонин, одговорен за доброто расположение. Ако 4-5 пати неделно посетувате фитнес-сала, ќе му се радувате на подоброто психичко здравје.

3 За брзи резултати: СКОКАЊЕ ЈАЖЕ

Скокањето јаже стана составен дел на многу видови на фитнес-тренинзи. Петнаесет минути скокање јаже согорува околу 200 калории. И покрај загриженоста дека скокање јаже е штетно за зглобовите, сепак е подобро за колената и за колковите од трчањето, така што по скокот, при слетувањето и воспоставувањето контакт со подот, мускулите на потколениците го апсорбираат влијанието на потиснувањето.

4 За тело и за ум: ЈОГА

Јогата е поволна за сите луѓе, без оглед на возраста и на моменталната психофизичка кондиција. Иако постојат многу различни видови и техники на јога, во западниот стил на живеење најчесто се применува Hatha јога. Ова е вештина на постигнување рамнотежа помеѓу духот и телото. Со целосно совладување на оваа техника на медитација се постигнува ослободување од стресот и болката, а човекот станува смирен и витален. Јогата релаксира и дава енергија, го намалува или отстранува стресот, ја намалува напнатоста во грбот, вратот, ја намалува болката и ги отстранува нарушувањата во спиењето (на пример, несоницата).

5 За цврсто тело: ПИЛАТЕС

Пилатес е еден ефикасен, а воедно и лесен тренинг, кој ви нуди можност да го зајакнете и да го обликувате своето тело, како и да го истегнете и опуштите. Карактеристично е што за краток период има воочлив успех, можност за максимално опуштање и природно длабоко дишење, кое е составен дел на ова вежбање. Со вежбањето пилатес правите две работи истовремено, не само што го обликувате и затегнувате своето тело туку истовремено учите да го набљудувате и да станете свесни за него. Награда за вашиот труд ќе биде тоа што многу брзо воспоставувате состојба на потполна опуштеност.

Текст: Убавина издравје

Фото: Getty Images, Pixabay

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време