Зошто Кинезите со векови го пијат токму овој чај: Еве од што сѐ го штити организмот!
Вкусен и лековит
Единствен е по тоа што дејствува стимулативно и смирувачки на срцето и мозокот, па идеален е за секојдневно уживање
Во доцните годините на 14 век, за време на кинеската династија Минг, чајот од јасмин станал еден од најпопуларните чаеви во Азија.
Тој, исто така, бил еден од првите ароматизирани чаеви што бил извезен од Кина на Запад, а денес е многу баран помеѓу чаевите во целиот свет.
Има смирувачка арома и мек, цветен вкус, па помага во борбата против воспаленија, ги штити клетките од оксидативен стрес и го поддржува здравјето на метаболизмот.
Вкусот на овој чај е смирувачки, лесен, цветен и чист, а еве кои се неговите здравствени придобивки…
Богат е со антиоксиданси
Една од неговите најважни предности е таа што содржи антиоксиданси, особено полифеноли и катехини, како што е ЕГЦГ (кратенка од епигалокатехин-3-галати).
Може да го подигне нивото на енергија и концентрација
Освен полифеноли, чајот од јасмин содржи аминокиселина 1-теанин, која има позитивни ефекти на когнитивното здравје, вклучувајќи ја и способноста да ја зголеми будноста без да предизвика нервоза, како некои други стимуланси. Овој чај исто така содржи мали количини на кофеин, што може да ја подобри концентрацијата и мотивацијата.
Поврзани објави
Има релаксирачки мирис и вкус
Чајот од јасмин е единствен по тоа што дејствува стимулативно и смирувачки истовремено. Се смета дека ливчињата од неговиот цвет имаат смирувачка арома делумно поради присуството на соединението наречено линалол.
Може ли чајот од јасмин да се пие секој ден?
Да. Со оглед на тоа што овој чај погодува многу делови од нашето тело, вклучувајќи ги и срцето и мозокот, ова е идеалниот вид чај за секојдневно уживање под претпоставка дека не реагирате лошо на мали количини кофеин.
Ризици и несакани дејства
Иако е безбеден за консумирање, луѓето осетливи на кофеин би требало да внимаваат кога го консумираат овој чај. Трудниците и доилките не би требало да пијат повеќе од една или две шолјички дневно, бидејќи некои истражувања покажуваат дека поголемата количина на кофеин од препорачаната може да го наруши нормалниот срцев ритам на фетусот.
Консумирањето чај со кофеин на празен желудник, исто така, може да предизвика желудочни проблеми кај некои луѓе. Ако се случува тоа, обидете се да го пиете заедно со некој оброк.