Лукот со векови се користи од различни култури за лекување на здравствени состојби како што се инфекции и дигестивни проблеми на срцеви заболувања и артритис.
Современото истражување потврди некои од овие предности. Еве само неколку од карактеристиките на овој лек:
Здравје на срцето
Иако постојат различни заклучоци за тоа колку лукот има позитивен ефект врз холестеролот, истражувањата се чини дека укажуваат на тоа дека може да има корисен ефект врз крвниот притисок. Неколку студии откриле дека лукот како додаток во исхраната им помага на луѓето кои веќе имаат хипертензија да го намалат високиот крвен притисок.
Научниците веруваат дека црвените крвни клетки го претвораат сулфурот од лукот во водород сулфид, што потоа ги разредува крвните садови, со што е полесно да се регулира крвниот притисок, како што е објаснето од Клиниката Кливленд.
Спречува и запира настинки
Полн со антиоксиданти, лукот може да има огромно влијание во сезоната на настинки и грип. Но, клучна состојка е фитохемискиот алицин. Една британска студија открила дека луѓето кои земале додатоци на алицин имаат 46% помалку настинки и закрепнале побрзо од оние што не ги земале.
Во друга студија објавена во списанието „American Family Doctor”, истражувачи од Индијана откриле дека редовното косумирање лук може да го намали бројот на настинки, но не влијае на тоа колку долго траат.
Прочитајте и: Тајната на јакиот имунитет потекнува од Словачка: Супа од лук што штити од вируси и настинки
Поврзани објави
Коса и кожа
Некои истражувања сугерираат дека алицинот во лукот може да спречи опаѓање на косата, а неговите природни антимикробни својства можат да одржат здрава коса и скалп.
Го зајакнува имунитетот
Свежиот и варен лук помага во зајакнување на имунитетот, како што е соопштено од Клиниката Кливленд. Според една студија, жените кои консумирале лук, овошје и зеленчук на редовна база, имале 35 проценти помал ризик од карцином на дебелото црево. Експертска комисија организирана од Светскиот фонд за истражување на ракот и Американскиот институт за истражување на ракот, исто така, заклучија дека редовното консумирање лук е заштитен фактор против колоректален карцином. Меѓутоа, други истражувања не го потврдија ова, како што е соопштено од „Mother Nature Network”.
Помага при дијабетес
Во анализата на девет клинички испитувања во кои биле вклучени 768 пациенти со дијабетес тип 2, истражувачите откриле позитивни резултати кај оние кои земале додатоци од лук. Пациентите кои земале од 50 до 1.500 мг лук (додатоци во исхраната) секој ден за два или три месеци имаа значително намалување на нивото на гликоза во крвта.
За подобро здравје: Козјото млеко ги штити цревата, магарешкото го зајакнува имунитетот…
ФОТО: Unsplash