8 намирници кои ќе ве хидрираат исто колку и чаша вода
Телото мора постојано да се хидрира. „Ако се чувствувате жедни, веќе сте малку дехидрирани“, вели нутриционистот Ејми Скот-Меклин, додавајќи: „Мало ниво на дехидрираност може да влијае на вашето расположение, меморија, внимание и вашата координација, како и на нивото на енергија. Може да се развие и главоболка“.
Но, важно е да се напомене дека водата не е единствениот начин за задоволување на потребите за хидратација. Иако консумирањето вода е најдобриот начин за хидрирање, има храна богата со вода која може да помогне во надополнувањето на внесот на течности.
Лубеница
Лубеницата се состои од 92% вода, 6% шеќер и 2% растителни влакна. Затоа е одличен начин да се надомести изгубената вода од телото.
Јагоди
Со содржина на вода од 90%, јагодите се одлична храна за хидрирање на организмот.
Краставици
Парчињата краставици не се само одличен начин да ги освежите вашите уморни очи. Тие совршено ја хидрираат вашата внатрешност, а интересно е што краставиците содржат дури 96% вода.
Целер
Целерот е одлична храна за вашето здравје поради неколку причини. Покрај тоа што содржи околу 95% вода, има и влакна, антиоксиданти, флавоноиди, витамини и минерали.
Печурки
Иако тоа е храна на која веројатно нема да ви текне кога размислувате за хидранција, печурките содржат дури 92% вода.
Спанаќ
Слично како со печурките, кога ќе започнете да готвите спанаќ, станува очигледно колку вода има во него. Имено, спанаќот содржи околу 91% вода.
Диња
Дињата не само што содржи 90% вода, туку и нејзиниот вкус е богат, а овошјето само дава изненадувачки бројни здравствени придобивки. Богата е со витамини А и Ц кои имаат корисен ефект врз вашата кожа и коса.
Домати
Ако јадете две цели средни домати, исто е како да испиете чаша вода. Имено, содржи дури 95% вода.
Прочитајте и: Идеални намирници за доцни вечерни оброци
ФОТО: Pexels