7 причини зошто обожаваме мандарини!

За витка линија

Како идеална храна за зајакнување на имунитетот и витка линија, се препорачува и мандарина, која по состав е слична на портокалот: богата е со витамини Ц и А, фолна киселина и калиум, а има и витамини од групата Б и калциум, магнезиум, цинк, бакар и железо.

Го намалува лошиот холестерол

Истражувањата покажаа дека кожата од мандарина содржи хранливи материи кои ефикасно го намалуваат лошиот холестерол.

Спречува дебелина

Научниците од Универзитетот во Западен Онтарио открија дека хранливиот материјал скриен во мандарините спречува дебелина, нуди заштита од дијабетес тип 2 и атеросклероза. Ова се болести кои се одговорни за појава на срцев удар, но и мозочен удар.

Идеални за подготовка на оброци

Мандарината е храна што можете да ја користите во разни јадења, особено свежи овошни салати. Можете да користите сок од мандарина во подготовка на јадења со тестенини, како и при подготовка на колачи. Можете исто така да користите сок од мандарина во подготовка на јадења со пилешко или риба.

Може да се нанесува и на кожата

Може да направите и маска за лице од мандарини за поздрава и посјајна кожа. Земете 4 парчиња мандарина, извадете ги семето и измешајте во блендер со лажица јогурт и лажица мед. Нанесете на лицето и вратот и оставете да делува 10 до 20 минути. Измијте го лицето добро, а маската можете да ја користите двапати неделно ако имате мрсна кожа и еднаш неделно ако имате сува и нормална кожа.

Го подобрува расположението

Верувале или не, мандарините можат да го подобрат вашето расположение, тврди Клиниката Мајо. Мирисот на мандарина помага при стрес, депресија и анксиозност. Ако имате лош ден и сакате да се чувствувате порелаксирано, пробајте мандарини!

Потешки мандарини се подобри

Кога купувате мандарини, изберете ги потешките бидејќи тие содржат повеќе вода и сок. За да избегнете губење на вредни хранливи материи, чувајте ги мандарините подалеку од директна светлина. Бидете сигурни да ги консумирате во рок од седум дена по купувањето.

Прочитајте и: Чај од маточина: Здравје во шолја чај

 

ФОТО: Unsplash