5 знаци кои укажуваат на тоа дека сте во токсична работна средина!

Работењето во токсично опкружување не само што има моќ да ве натера да ја мразите вашата работа, туку може да доведе до посериозни проблеми, вклучувајќи исцрпеност, замор, анксиозност и депресија.

Истражувањата покажаа дека да се биде среќен на работа е рецепт за успех и продуктивност, но прашањето е како да се постигне тоа?

Како резултат на зголемените притисоци, станува премногу лесно да се воочат знаците на токсична работна средина.

Недостаток на поддршка и соработка

Станува збор за недостаток на поддршка и соработка од колегите или претпоставените. На пример, да не ви се обезбедат информации или ресурси што ви се потребни за успешно да ја завршите вашата работа. Може да вклучи и игнорирање на вашите прашања или предлози, што создава чувство на изолација и го отежнува движењето напред.

Лоши комуникациски практики

Тоа може да настане поради нетранспарентна, агресивна или пасивно-агресивна комуникација на работното место. Недостатокот на јасна комуникација може да доведе до недоразбирања, конфликти и чувство на недоверба меѓу колегите и претпоставените. Исто така, над вас има просечен тим на менаџери кои не знаат да водат тим и често прават грешки кои не сакаат да ги признаат и не знаат како да комуницираат.

Постојано чувство на напнатост или стрес

Постојаното чувство на непријатност или вознемиреност може негативно да влијае на вашето ментално и физичко здравје и да го отежне извршувањето на работата. Дали знаевте дека хроничниот стрес на работното место може да има сериозни здравствени последици, вклучувајќи и зголемен ризик од анксиозност, депресија и физички болести како што се кардиоваскуларните проблеми? Затоа е важно да се реагира на време.

Недостаток на почит и толеранција

Непочитување на вашите идеи, мислења или приватен живот, како и непочитување на вашите граници, дискриминација или омаловажување на вашите ставови може да создаде непријателска средина што ја поткопува вашата самодоверба и мотивација.

Неправедност

Доколку забележите неправилности во односот кон вработените, како што се нефер бенефиции или пристрасно одлучување, тоа може да создаде чувство на неправда и нееднаквост меѓу колегите. Токму овој недостаток на правда може да доведе до губење на довербата во организацијата.