Негувајте се како принцеза: Едноставна маска за лице што ѝ била омилена на Леди Ди
Леди Ди беше природна убавица, но имаше проблеми со розацеата на лицето. И покрај тоа, нејзината кожа изгледаше негувано, сјајно и чисто!
Нејзината шминкерка и пријателка Мери Гринвел откри како го постигнала тоа.
Таа беше многу темелна кога станува збор за кожата. Секогаш се грижеше да ја отстрани шминката на крајот од денот и да го одржува лицето чисто пред да нанесе шминка“, рече таа.
Шминкерката верува дека Леди Ди, кога би била жива денес, би користела соодветни препарати за нега, како што се кремови и серуми за позрела кожа.
Рутината на нега на Дијана вклучувала и едноставна маска за лице од авокадо, која помага кожата да стане посјајна, а нејзините состојки се:
Поврзани објави
- половина зрело авокадо
- 2 лажици топла вода
- 1 лажица мед
Подготовка и примена:
Испасирајте го авокадото. Медот стопете го во топла вода, потоа додајте го во авокадото и сето тоа заедно измешајте го во компактна смеса. Нанесете ја маската на лицето, оставете ја да дејствува 10 минути, а потоа исплакнете со млака вода.