Како да користите ролер за лице?
Инфлуенсери за убавина, познати личности, соседи, пријатели… Сите зборуваат за ролер за лице! Дали веќе го користите?
И sвездите како Џесика Алба и Хилари Даф се колнат во ролери за лице, а веројатно досега сте го виделе препорачан од инфлуенсерите на Инстаграм и ТикТок. И каква магија крие тој?
Верувале или не, ролерите за лице се користат уште од 17 век, а во почетокот ги користеле Кинески жени. Денес, тие се појавуваат во различни форми и големини и се изработени од различни материјали. Сепак, најпопуларните се оние направени од кварц.
Како да користите ролери за лице?
Нема опасност да се претера и за да се видат резултатите потребно е да се следат одредени чекори.
1 Чистење
Пред да го користите ролерот, исчистете го лицето со тоник, така што бактериите не продираат во кожата и не предизвикуваат осип или акни.
2 Хидратација
На чисто лице, нанесете серум, а потоа масло за лице кое ќе го олесни „тркалањето“ на лицето.
Поврзани објави
3 Од каде да започнам?
Со ролери за лице, прво преминете ја областа под очите, односно „горниот“ образ. Потоа нежно повлечете го долниот дел од лицето, од коската на вилицата нагоре. После тоа, преминете на вратот, за кој често забораваме. После тоа, масирајте го челото, почнувајќи од веѓите. Секогаш влечете го ролерот за лице нагоре.
Предности на ролери за лице
Лесниот притисок врз кожата на лицето ја стимулира циркулацијата, што со текот на времето ја намалува видливоста на малите брчки. Покрај тоа, лицето се затегнува и кожата изгледа поздраво и посвежо. Со употреба на препарати за вашиот тип кожа, таа ќе стане поеластична и сјајна. Покрај тоа, ролерот ја стимулира дренажата на лимфа и спречува иритација на кожата.
Внимание: Не ставајте преголем притисок. Многумина веруваат дека посилниот притисок ќе добие подобри резултати, но тоа е далеку од вистината. Лимфниот систем е многу деликатен и лесниот притисок врз кожата е сосема доволен кога се користат ролери.
Совет плус: Чувајте го ролерот во фрижидер, за максимално затегнување на кожата. Покрај тоа, студениот материјал на самиот ролер ќе ги олесни иритациите и отоците на кожата.
Прочитајте и: Како да спречите размачкување на карминот?
ФОТО: Pexels