Нема да всадуваме лажна надеж. Кратките лесни прошетки нема да бидат доволни за резултати. Ако сакате да изгубите тежина при одење, треба да вложите напор и време да согорите калории и маснотии.
Правилна исхрана
Ако сакате подобри ефекти на тренингот, прилагодете ја диетата со ограничување на внесот на калории од 1500 до максимум 1800 на ден. Вклучете разновидна храна во вашето мени – протеини, јаглени хидрати, масти, витамини и минерали. Добро е да се зголеми внесот на протеини затоа што ги „храни“ мускулите, и зеленчукот и овошјето како извор на минерали и витамини и да се намали внесот на јаглени хидрати.
Бавно менувајте ја рутината
Ако сте нови во светот на редовното пешачење, најдобро е вашето време постепено да го зголемувате. Започнете со пократки прошетки од наведените, следете како се чувствувате и постепено зголемувајте го на времетраењето на прошетката. Вашата издржливост ќе се зголеми со текот на времето и полека ќе ги достигнете посакуваните 60 минути.
Правилна техника на одење
Прво, загрејте се со лесно темпо три до пет минути. Работата на рамената и рацете треба да биде координирана со работата на нозете, така што спротивната рака ја следи работата на спротивната нога. Правилната техника на одење подразбира дека пренесувањето на тежината се одвива како клатењето на брод. Првиот контакт го прави петицата и на неа се спушти тежината, а потоа товарот се пренесува преку подножјето и движењето завршува со пренесување преку прстите.
Поврзани објави
Стапови како сојузници
Стапчињата ја олеснуваат техниката на одење и помагаат правилно да се одржи телото. Користењето стапчиња за одење активира скоро 90 проценти од мускулите, а потрошувачката на калории се искачува до 70 проценти. Бројот на калории што ќе ги согорите зависи, се разбира, од тежината и должината што ја поминувате.
Вежби за сила
Вклучете го во вашата рутина најмалку двапати неделно. Ако вметнете исчекори, прескокнувања, носење товар, склекови или стомачни помеѓу интервали на многу брзо одење само за десет минути, ќе ја зголемите потрошувачката на калории. Во 60-минутно вежбање со одење, за подобар резултат, направете 10 исчекори на секои десет минути и продолжете со одењето. Клупите во паркот, металните шипки се идеални реквизити, бидејќи можете да изведувате разни вежби на нив.
Истегнување и одмор
Истегнувајте се на крајот на секоја тренингот. Ако сте многу уморни или имате болки следниот ден поради одење, одморете се. Но, важно е да не се откажувате.
Прочитајте и: Идеални закуски кои можете да ги јадете после тренингот