Фото: Getty Images
Многумина сонуваат за „плочки”, особено во пресрет на летото. Добро е позната изреката дека тие се прават во кујната, односно е многу важно да се внимава на диетата за рамен стомак, но редовното вежбање е исто така одговорно за дел од работата.
Во морето од стомачни вежби, тешко е да се одлучи кои да се практикуваат, но тренерот Герен Лилс смета дека некои се поефикасни од другите. Ова е список на вежби за кои тврди дека ќе ја активираат вашата половина и ќе ви обезбедат видливи стомачни мускули со кои ќе можете гордо да шетате по плажа.
Штица
Класична штица е првиот избор на овој тренер.
„Прво, тоа е вежба која може да ја извршат и деца и постари лица. Второ, штицата ве става во позиција што ги таргетира и глутеусот и квадрицепсот и е лесно да се модифицира“, вели Лилс.
Планинари
Оваа вежба ќе ја запали вашата половина.
„Овозможува доза на кардио тренинг, има кардиоваскуларни придобивки и работи на стабилизирање, додека се гради абдоменот“.
Полустомачни вежби
Ова е класична и докажана добра вежба за абдоменот.
„Постојат многу варијации на стомачни вежби кои можат да ја зачинат оваа вежба. Меѓу другото, ова се полустомачни. Единствениот недостаток е тоа што многумина не ги извршуваат правилно и прават грешки со положбата на вратот и долниот дел на грбот“, предупредува тој.
Поврзани објави
Dumbbell woodchops
Можеби не сте чуле за оваа вежба, но таа е многу ефикасна за половината.
„Може да се вклучи во активности како што се голф или бејзбол, а одлично го обликува стомакот“, истакнува Лилс.
Подигнување на нозете
Кога оваа вежба се изведува правилно, тоа е одлична форма на тренинг за абдоминална отпорност.
„Позицијата е исто така клучна. Треба да се внимава на долниот дел на грбот, во спротивно може да се повредите“.
Стомачни
Ова е најчесто изведена вежба за видливите стомачни мускули што скоро секој знае како да ја прави и гарантира извајан стомак.
Прочитајте и: Најдобрите вежби за половината и за горниот дел на грбот: Ослободете се од болките еднаш засекогаш! (ВИДЕО)
ФОТО: Getty Images