5 причини зошто нема да згрешите доколку подарите… парче НАКИТ

Секоја година неколку пати се среќаваме со потребата да купиме подарок – за родендени, празници, годишнини и други убави пригоди, кои можат да ни предизвикаат проблеми при изборот. Некогаш точно знаеме што сакаме да ѝ подариме на саканата личност, но кога не е така, секогаш можеме да играте на сигурно и пријатно да ја изненадиме со накит.

Ви посочуваме неколку причини зошто не можете да згрешите доколку се одлучите да подарите парче накит за подарок.

1. Емоционална вредност

Една од најдобрите причини за купување накит е токму фактот што носи голема емотивна вредност, која со годините сè повеќе расте. Накитот го носиме на нашето тело – на кожата, што го прави сентиментален додаток кој нежно нè потсетува на драгата личност која ни го подарила.

Често го добиваме и го подаруваме за посебни пригоди, па нè потсетува на тие среќни моменти – од родендени и животни успеси до големи и мали среќни настани.

Ако на саканата личност со подарокот сакате ѝ кажете дека ја сакате и дека ќе бидете со неа секогаш кога ќе го носи – парче блескав накит е најдобриот избор. Можете да постигнете дополнителен емотивен шмек што ќе трае вечно со помош на персонализирани гравури или приврзоци.

2. Подарок кој трае

Многу подароци кои сме ги добиле низ животот со текот на времето се губат или забораваме на нив. Накитот од благородни метали не само што трае цел живот (а со тоа и да ве потсетува на лицето што ви го подарило), туку може да се пренесува од генерација на генерација и да стане дел од семејните вредности и традиции.

На овој начин, станува безвременско наследство, кое со малку љубов и грижа може да го носат децата и внуците на лицето на кое му го подаруваме.

Обетките се меѓу најбараните и најприспособливите парчиња накит на денешницата. Златните или сребрените обетки се соодветен подарок за крштевки, родендени и годишнини, но и за претстојните матурски прослави.

Последниве години особено е популарна обетката од ‘рскавицата, која лесно се носи, иако нема ни винт или игла, а заради која не е потребно да се вадат преостанатите обетки. Со овие парчиња му додавате разиграност и сјај на вашиот стил, бидејќи обетките се накит со кој можете едноставно и лесно да го изразите сопствениот стил, без разлика на пол и возраст.

3. Естетска вредност

Сакаме да носиме сребрени и златни детали бидејќи се визуелно привлечни – светкави, убаво обликувани и неодоливи. Доброто парче накит ќе ја подигне секоја комбинација и ќе ни помогне да блеснеме, што ќе направи да се чувствуваме добро. Секој сака да добие нешто убаво, па тоа е уште една причина зошто е одлична идеја да се подари парче накит – обетки, прстен или ѓердан или приврзок.

4. За различни буџети

Во понудата на продавниците за накит можете да најдете накит за секоја пригода, но и за секој џеб – од поскапи парчиња до прекрасни парчиња накит, кои ќе го воодушеват тој за кој се наменети, а за кои нема да потрошите цело богатство.

5. WOW ефект

Друга одлична причина за избор на накит е реакцијата „WOW“ што ја добиваме кога ќе се отвори кутијата и добитникот ќе се воодушеви од прекрасната нова белезгија, ѓердан, обетки или друг сребрен и златен додаток.

Без разлика дали се работи за постара или помлада личност, жена или маж, секој сака да добие подарок од трајна вредност, избран со љубов.

Текст: Убавина и здравје

Фото: PR