Слип-фустаните и понатаму се на врвот на модните листи: Еве како да ги носите и во текот на зимата, без грешка!

Ако мислевте дека слип-фустаните се резервирани само за летните месеци, се лажете. Со малку имагинација и добро стилизирање, овие фустани можат да бидат дел и од зимската гардероба.

Тие станаа популарни уште пред 2 години и оттогаш им се омилени на многу жени. Во зависност од модните додатоци и обувките, лесно се приспособуваат речиси на сите пригоди. Можат да бидат дел од полежерен стајлинг, но може да се носат и во посвечени пригоди.

Идеја како да го носиме овој фустан во текот на зимата, ни даде Џесика Алба која го понела овој тренд, без грешка.

Врз фустанот облекла џемпер, а што се однесува до обувките, нејзиниот избор биле бајкерки, во многу популарната кафеава боја.

Сосема едноставен стајлинг во кој несомнено ќе бидете забележани.

Дали имате ваков фустан во вашиот плакар?