Поради сопругот ја сменила верата, па поминала низ пекол поради свекрвата: Се појавила како божица и го покажала стомакот!

Карли Клос изгледала како грчка божица додека чекорела по црвениот килим за премиерата на филмот „Индијана Џонс и бројчаникот на судбината“ на Канскиот филмски фестивал. Таа им позирала на фотографите, држејќи го својот труднички стомак.

Оваа 30-годишна ѕвезда ги засенила сите присутни во златен фустан на „Диор“ со едно голо рамо и со интересни плетенки околу половината. На главата носела елегантна златна лента со мрежест превез, што ѝ го покривал лицето и правел да изгледа како грчка божица.

Клос, која се омажила за братот на милијардерот Џаред Кушнер, Џош Кушнер (37) во 2018 година и со него добила син Леви (2) во 2021 година, неодамна ја открила својата бременост, а сега и гордо го покажала трудничкиот стомак.

Интересно е што манекенката ја сменила верата поради својот сопруг и станала Еврејка.

„Го следев своето срце и се омажив за маж кого го сакам и покрај сите компликации што следуваа“, рекла Карли во една пригода.

Имено, семејството на Џош мислело дека Карли не е доволно добра за него, па ја запознале дури по 6 години врска.

На неговото семејство најмногу му пречело тоа што Карли не е од иста вероисповед како нивниот син. Со години зборувале лоши работи за неа и воопшто не се труделе да го скријат своето мислење.

И покрај тоа што ја сменила верата, ни тоа не им било доволно. Иако одлучиле да ја запознаат, се шушка дека сè уште не се добри односите меѓу нив, а како што наведуваат блиските луѓе, никогаш нема ни да бидат.

Но Карли е сигурна во својата љубов и никогаш не ни помислила да го напушти сопругот.