Овој капут е апсолутен хит есенскава сезона: Еве како да го носите како вистинска трендсетерка!
Инспирација за сите генерации
Ви откриваме 6 предлози за стилизирање без грешка
Иако со години важеше правилото дека во текот на есента треба да се носи нешто во посмирени и помонотони бои, оваа година правилата се менуваат. Сезонава во фокусот ќе бидат интензивни бои и интересни кроеви.
Парчето што ќе доминира на модната сцена дефинитивно е капутот со поширок крој кој се вклопува во речиси сите комбинации. Може да се носи со патики, плитки, но и длабоки чизми. Во него секоја жена ќе изгледа феноменално, а дополнителен плус е тоа што овој модел е и многу удобен.
Модните експерти предлагаат во гардероберот на секоја жена да се најде мантил во некоја од следниве бои: жолт, виолетов или розов.
Според нив, не постои жена на која лошо ѝ стојат овие нијанси, а ќе донесат ведрина и во сивите, врнежливи денови. Во продавниците веќе можете да најдете вакви капути, па ако сè уште не сте го направиле тоа, задолжително набавете си еден ваков модел.