Исончаните нозе во прв план: Амал Клуни ги засенила сите присутни на премиерата на филмот на Џорџ Клуни

Амал и Џорџ Клуни пристигнале во Лондон по повод премиерата на новиот филм Ticket to Paradise, во кој тој ја игра главната улога, а убавата адвокатка ги ставила сите актерки во втор план со своите атрактивни изданија.

Прво, на црвениот килим била фотографирана во гламурозна креација, а потоа на забавата по црвениот килим и премиерата се појавила во краток жолт фустан, што го открил нејзиниот најсилен адут – витите, исончани нозе.

Адвокатката со либански корени блескала во гламурозниот фустан украсен со ситни циркони на тенки прерамки, што ја истакнал нејзината вита става, а изгледот го заокружила со елегантна фризура, златна плик-чантичка и црвен кармин.

Госпоѓата Клуни е добро позната по својот истанчен моден вкус, па по долгиот фустан украсен со блескави циркони во нежна минт-нијанса со кој воодушевила на црвениот килим на лондонската премиера, се одлучила за нешто посмело за забавата.

Амал (44) со задоволство одбира комбинации што ѝ ласкаат на нејзината вита става и во прв план ги истакнуваат беспрекорно обликуваните нозе, а мини-фустанот со долги ракави во интензивна жолта боја се покажал како одличен избор.

Инаку, на премиерата на филмот Ticket to Paradise, на Клуни им се придружила и Џулија Робертс која негува долгогодишно пријателство со Џорџ.

Ticket to Paradise е првиот филм по Money Monster од 2016 година, во кој Џорџ Клуни и Џулија Робертс глумат заедно. Пред тоа глумеа заедно во Oceans Eleven и Oceans Twelve.

Во филмот, што сигурно ќе биде голем хит оваа есен, Џулија Робертс и Џорџ Клуни глумат разведена двојка, кои по 25 години од нивната венчавка патуваат заедно на Бали за да ја спречат ќерка им да не ја направи истата грешка како нив.

Како ви се допаѓаат овие изданија на Амал Клуни?

Вака изгледа Амал Клуни кога патува: Розов фустан и влечки што чинат богатство – СОВРШЕНО!