6 мали нешта што можат да направат многу за вашата врска со партнерот

Според најновото истражување за односите меѓу паровите, спроведено од Брајан Дон и колегите од Универзитетот во Северна Каролина, ова се шест однесувања што можат да имаат корисни ефекти за вашата врска.

Слушајте го внимателно

Дајте му на вашиот партнер до знаење дека секогаш сте подготвени да го слушате за нешто што го мачи, дури и ако тоа нешто ви изгледа премногу тривијално за да зборувате за него.

Вклучете се во неговите активности

Можеби не одите сами на долги прошетки, но тоа е нешто што вашиот партнер го прави секоја вечер. Договорете се и придружете му се, дури и ако тоа е само два или три пати.

Дајте му до знаење кога нешто добро ќе ви се случи

Иако ова може да изгледа како фалење, споделувањето свои добри вести му покажува на вашиот партнер дека го цените неговото мислење за вас.

Помогнете му со ситници

Ова може да биде полнење шише со вода наутро или подготвување појадок за да го однесе на работа додека се подготвува. Таквите мали нешта му покажуваат на вашиот партнер дека се грижите.

Бидете партнер во неговите цели

Учествувајте во однесувања што ќе го приближат вашиот партнер, а не оддалечат од неговите цели. Ако знаете дека вашиот партнер се обидува да изгуби тежина, наместо да јадете калорични оброци, одвојте време да купите и да подготвите здрава храна.

Направете работи за вашиот партнер што само вие можете

Без разлика дали станува збор за шиење копче на палтото или исправување грешка во електронска пошта, ова се некои работи што само вие можете да ги направите за партнерот.

Прочитајте и: Финансиското неверство може да биде причина за раскинување љубовна врска или брак

ФОТО: Unsplash