8 билки за жешка сезона во креветот

Некои од најмоќните билки се способни да направат чуда и да ги елиминираат здравствените проблеми, да ги балансираат хормоните, да ја вратат младешката виталност, но и вашето либидо! Зошто е ова важно? Па, често, кога жените забележуваат дека не се чувствуваат секси, или нивната желба за секс е намалена, тоа може да биде знак за исцрпеност или хормонална нерамнотежа.

Во девет од десет случаи, падот на либидото е знак за хормонални нивоа кои можеби не се под нормалата, но се на граница, па може да ја загрозат вашата сексуалност и општото здравје. Повеќето од нас се запознаени со билки како женшен и родиола – и двете се ефективни стимуланси за здравјето и либидото, но има и други билки на кои можеби не сте сретнале досега.

Овие билки се користат од страна на жените со милениуми, во културите ширум светот, за да помогнат во подобрувањето на целокупното здравје и балансирањето на хормоните. Сепак, како и со сите билки, од витално значење е внимателно да ги прочитате сите етикети и да проверите кај вашиот лекар ако се сомневате во нивната соодветност.

АШВАГАНДА Се користи со милениуми во ајурведската медицина, а се покажа дека влијае на регулацијата на хормоните на стрес (вклучувајќи го кортизолот), што може да ја наруши ендокрината функција, да ги зголеми масните наслаги во долниот дел на стомакот и да придонесе за предвремено стареење.

Ашвагандата го стимулира протокот на крв во женските репродуктивни органи, зголемувајќи ја чувствителноста и возбудата. Ова го прави особено популарен избор меѓу жените кои сакаат да добијат повеќе сексуално задоволство или да го вратат изгубениот сексуален нагон. Жените во менопауза исто така велат дека помага да се намали анксиозноста, депресијата и топли бранови. Ашвагандата е моќен сојузник во борбата против хронични воспаленија, што ја прави еден од најважните делови од природната сложувалка против стареење.

MAКA Коренот на ова растение, исто така познат како перуански женшен, се користи со илјадници години од домородното население на Андите за лекување на проблеми како што се неплодност, топли бранови, сексуална дисфункција, нарушувања на спиењето, па дури и ноќно потење поврзани со менопауза. Бидејќи маката е полна со фитонутриенти и цинк, таа е најчесто користен афродизијак и стимуланс на либидото: жените кои користат мака имаат поголема сексуална желба и подобро сексуално задоволство.

AVENA SATIVA Ова е латинското име за овес, кој се користи со векови за да се обезбеди брза енергија, а тоа е една од причините зошто овесот отсекогаш бил основна храна за коњите за тркање. Научните истражувања сега покажуваат дека е ефикасен засилувач на либидото и ги ублажува менструалните грчеви, бидејќи истовремено го подобрува протокот на крв и го стимулира централниот нервен систем.

Истражувањата сугерираат дека ослободува „врзан тестостерон“ (кој е суштински хормон за сексуалната желба и кај мажите и кај жените) за да го направи подостапен низ телото.

ДАМИЈАНА Растението датира од времето на старите Маи, дури и тогаш се користело за подобрување на сексуалниот интерес и желба. Неодамнешните истражувања покажуваат дека тоа е врвниот сексуален стимуланс и за мажите и за жените. Неколку други студии покажуваат дека препаратот што содржи дамијана, женшен и гинко го зголемува сексуалното задоволство кај жените, додека две до три шолји чај од дамијана неделно може да ги снема симптомите на менопаузата кај повеќето жени.

ЕПИМЕДИУМ Познат во англиското говорно подрачје како horny goat weed – кој дејствува во случај на губење на либидото (како што сугерира неговото друго име), но има и извонредни својства кои помагаат во ублажување на симптомите на менопауза. Утврдено е дека дејствува слично на тестостеронот и дека е многу поефективен за некои луѓе од многу терапии со лекови, без несакани ефекти.

МУИРА ПУАМА Познато и како „дрвото на потенцијата“, ова растение дејствува за смирување на нервите, ублажување на анксиозноста, борба против замор, подобрување на когнитивната функција и здрава реакција на стрес, но добро е и во стимулирање на протокот на крв во пределот на карлицата. Многу жени кои редовно земаат муира пуама чувствуваат дека имаат зголемена сексуална желба, позадоволувачки однос и поинтензивни оргазми. Исто така, во испитувањата се покажа дека ја подобрува густината на коските – што е важно за жените со остеопороза.

ТОНГКАТ го користат жени во Југоисточна Азија, кои сакаат да стимулираат ерогена чувствителност. Многумина го сметаат за најголемиот афродизијак познат на човештвото. Покрај тоа што има моќ да ги подобри сите аспекти на сексуалниот одговор, исто така може да го зголеми нивото на енергија, да ги подобри когнитивната функција и отпорноста на нашите одговори на стрес. Исто така, го зголемува нивото на тестостерон, промовирајќи го целокупниот оптимален хормонален баланс.

ТЕСТИРАЈТЕ ГИ ВАШИТЕ ХОРМОНИ! Ако размислувате да користите некоја од билките за балансирање на хормоните, прво проверете ги нивоата на хормоните во медицинска лабораторија. Повеќето од хормоналните нерамнотежи што ги доживуваат жените се суптилни и вклучуваат замор, зголемување на телесната тежина, проретчена коса, а лекарите не се секогаш обучени да ги препознаваат овие симптоми.

Поради ова, вашиот општ лекар или гинеколог воопшто нема да ве упати на овие тестови. На многу жени им е кажано да ги очекуваат и да ги поднесуваат овие симптоми во одреден момент од нивниот живот, бидејќи тоа е „она што им се случува на жените“. Не сакаме да живееме така.

Текст: Лидија Ќулибрк

Фото: Getty Images