Однадвор крцкави а однатре сочни: Пробајте ги овие превкусни полжавчиња со ајвар!

Состојки:

• 300 г интегрално пченично брашно
• 1 рамно лажиче сол
• 1 лажиче прашок за печиво
• околу 200 мл кисело млеко или минерална вода
• 50 г стопен путер
• 4 лажици ајвар
• 100 г рендано сирење
• малку бибер, чили и други зачини по желба

Приготвување:

1. Во сад се мешаат брашното, солта и прашокот за печиво. Се додаваат стопениот путер и киселото млеко. Со рака се замесува мазно тесто.

2. Работната масичка се набрашнува, па тестото се сука во правоаголна кора. Се премачкува со ајварот и се посипува со ренданото сирење и со зачини по желба.

3. Полнетото тесто по должина се витка во ролат дополу од едната страна и дополу од другата, така што ќе се спојат на средината. Приготвениот ролат се сече на резанки со ширина од 1 см.

4. Плехот се обложува со хартија за печење, па во него внимателно се ставаат приготвените полжавчиња.

5. Се печат во загреана рерна на 200°Ц, околу 20 минути, додека заруменат.

Извор: Добра храна

Ќе ве воодушеви: Украсете ја трпезата со вкусна цветна фокача!